▬ أنت معجب بالناس الناجحة وعايز تبقى أحسن منهم !!؟
▬▬ يا اخى ارضى بنصيبك وقول الحمد لله …
▬ أنت مش عاجبك عيشتك ومستواك ؟!!
▬▬ إحمد ربنا انت أحسن من غيرك كثير …
▬ مش مرتاح فى شغلك وعايز تغير شغلك وتشتغل حاجة تانية أفضل بالنسبة لك ؟!!
▬▬ 100 واحد غيرك يتمنوا الشغلانة بتاعتك دى …
▬ عايز يبقى معاك فلوس كثير ؟!!
▬▬ الفلوس لا تشتري كل شىء أرضي بظروفك …
الردود اللى فوق دى كلنا بنسمعها وهى عبارة عن طاقة سلبية
بيمررها شخص مُحبط وفاشل لشخص تانى نفسه يبقى احسن
اللى هو أنت…
الحقد البشري القليل منه مطلوب لأنك لو لم تحقد على حد عمرك ما هتبقى أحسن وعمرك ما هاتتطور وتنمو .. والبشرية ستقف عن التطور والنمو .
انك متبقاش عجباك عيشتك وعايز تغيرها للأحسن ده مش عيب ولا حرام
لو مش مرتاح فى شغلك ونفسك تشتغل حاجة تانية لا تنتظر رأى أحد .. فقط اتبع قلبك.. ♥
نفسك يبقى معاك فلوس كثير وتعيش مرتاح ايه المشكلة فى كده ؟!
أغلب المجتمع بيتعامل مع ” الرضا ” على إنه خضوع لكل الظروف المحيطة بالواحد حتى لو الظروف دى احنا من وضعنا أنفسنا فيها بـ قرارتنا الغلط أو تواكلنا وكسلنا … إلخ
اقرأ: الرضا – القناعة ما الفرق ؟
خالق الكون يقول لك … يا إنسان الكون مسخر لـك
ومجتمعك يقول لك … الكون مسخر عليك !!
وما أنت إلا كائن هش تتلاعب بيه الظروف والأحداث يمين ويساراً … إلي أن تموت ويحاسبك الله على حياتك … حياتك التي تحكمت فيها الظروف والأحداث والبشر … التي عشتها وانت فاقد السيطرة تماماً علي نفسك وعلي حياتك !!
الغريبة .. انك بعد أن تصدق كلام المجتمع … تتحدث فى عجب لماذا أحصل على نتائج مؤلمة دائماً ، لماذا أخسر دائماً !! .. لماذا لم أحقق ما أريد ؟ أليس الله عادل ؟ اليس الله يعطي كل إنسان حقه ؟
اقرأ: القدر مسخر لك .. لا عليك!
السر :
أنت تتبع قوانين فئة من مجتمعك وبالتالي ستحصل على نفس النتائج التي تحصل عليها هذه الفئة من مجتمعك .
كل فترة في حياتك … تأمل ولاحظ أنت تتبع من في قرارتك وأسلوب حياتك ؟
تتبع رسايل الله لك في الحياة ، تتبع قلبك كما أمرك الله ، تتبع مجتمعك ، تتبع رجل
دين معجب به ، تتبع دكتور في علم النفس او التنمية البشرية بدون ما تدرك وتعي ما يقول ويطمئن له قلبك قبل عقلك ،….
لاحظ أنت تتبع من ؟ وعندها أعلم أن نتائج ستحصل علي نفس النتائج التي حصل عليها من تتبع .
وعندما تتبع رسايل الله حقاً وتتبع قلبك … ستحصل على النتائج التي وعدك إيها
قال تعالي ” ولو أن أهل القرى آمنوا واتقوا لفتحنا عليهم بركات من السماء والأرض ولكن كذبوا فأخذناهم بما كانوا يكسبون ” . صدق الله العظيم
فوووق ،،، وإلا هاتفضل تتحطم جزء جزء …
لأن الحياة لعبة مثل أي لعبة تلعبها على جهاز الكمبيوتر او الموبيل … إذا لم تتعلم قوانينها جيداً … ستظل تخسر مرة تلو الآخرى .
أنصحك بقراءة هذا المقال: تعلم لعبة الحياة علي طريقتك الخاصة
احمد عزت ، عبدالرحمن مجدي
هل ساعدك هذا المقال ؟
