الرئيسية » الذات » تحفيز الذات » كيف تبني مستقبلك ؟

كيف تبني مستقبلك ؟

بواسطة عبدالرحمن مجدي
900 المشاهدات
كيف تبني مستقبلك ؟

الواحد مننا…

بيطلع بالأفكار الجامدة وهو لوحده
بيلوم نفسه على غلطاته لوحده
بيحلم ويرسم مستقبله لوحده
بيفشل ويقع ويتعلم لوحده

لوحدك بتبنى نفسك
لوحدك مش بتتردد كثير
لوحدك بتجرب وتتعلم
لوحدك بتكسب خبرة
لوحدك بتنجز أكثر وأسرع

من الأخر لما تيجى تبنى مستقبلك إبنيه لوحدك
عشان مفيش واحد ادى ودنه للناس
وربط مستقبله بيهم وعمل حاجة …

الله بقا لو وأنت بتبني مستقبلك لقيت صديق أو صديقة تشبهلك في أحلامك
و الله الله لو كانت جمبك حبيبك أو شريك حياتك.. حتي لو كانت عنده أحلام مختلفة منك..
لو كان حد من الاتنين دول معاك.. مستني ايه يابن المحظوظة.. قوم أصنع مصيرك بروقان ومتعة يا برنس

ولو مش معاك حد من الاتنين دول زيي ،حافظ علي طاقة الحب جواك وفي كل حركاتك حس ديماً بأن ربنا بيحبك وهو جنبك.. وربنا خلق جواك الحب والجنس ، اه خلق الاتنين دول جواك.. أوعي تتكسف أو تحقر من رغبتك في الحب أو الجنس مع من تحب..

وأوعي تبص علي نفسك أنك رغبة جنسية فقط زي ما المجتمع بينظر لك !!
قولهم لا ، أنا روح وجسد .. والأهم والأقوي هي الروح وليس الجسد
رغبات الروح أولاً.. ثم تأتي رغبات الجسد

أعمل التجربة دي

غمض عنيك وتأمل وحس بالبنوتة الي صورتها في خيالك بكل صفاتها وروحها الجميلة المرحة.. جمبك وبترسم معاك مستقبلكم خطوة خطوة.. وهي بتحبك أنت ، عاوزة تبني معاك حياة، وعاوزة تعيش معاك أنت وبس.. عاوزة تعيش معاك طول الحياة.. وهي بتعيش معاك كل تفاصيل الحياة
الحلوة والمرة ، الفشل والنجاح ، السعادة والحزن ، الألم والراحة ،….

#عاوز ايه بقا تاني .. شحنت طاقة كبيرة أهو .. قوم #كمـل_طريقـك

ولو أنتي بنت يا ستي أكيد بردوا لازم تعملي كدا .. ولازم يكون ليكي أهداف قال وأحلام وشخصية وحاجات بتفرحك لما بتعمليها …غير الأكل والشرب والنوم !! ،،
ببساطة…

#لو انتي مش ناجحة مع نفسك ، مش هاتقدري تنجحي في أي علاقة آخري

#لو أنتي مش سعيدة مش هاتعرفي تسعدي حد
“أب ، أم ، أخ ، زوج ، ابن ، ابنة ، … ”

#لو انتي مش قادرة تفهمي نفسك وشخصيتك الحقيقية.. مش هاتقدري تفهمي شخص تاني

أحمد عزت ، عبدالرحمن مجدي

هل ساعدك هذا المقال ؟

مقالات ذات صلة

اترك تعليقك !