البرمجه السابقة و نظره المجتمع للمرأه برمجوها علي فكرة الإحتياج للرجل و التابعية ، البرمجة دي جعلت منها مخلوق ضعيف مع ان مش ده الصح نهائي
الصح هو نظرتك لنفسك يعني لو مصدقاهم خلاص يبقي ده الصح ليكي و هتبقي فعلا ضعيفه و دايما في حالة إحتياج
اما اللي بيفكر و يسأل ليه بيخرج من البرمجه دي
هل علشان ديني قالي اطيع زوجي يبقي انا ضعيفه !!!!!!!!!
هل علشان ديني قال القوامه للرجل يبقي انا تابع !!!!!!!!!!
القوامة و الطاعة في القرأن مش موضوعنا و خليني اعتبر بالمعني المتداول
الزواج تكامل يعني امكانيات عند الزوجه و امكانيات عند الزوج لما يجتمعوا يخرج مشهد رائع
يعني لما تشوفي نفسك قويه و مؤثرة و بتضيفي و يعتمد عليكي هو ده عين الأنوثة متقوليش انا بقيت راجل و ثقتك بنفسك و شعورك بالأنوثة تتهز
يعني ايه انوثة ؟ يعني جمال و استكانه و ضعف و صوت حنين !!!!!!!!!!!!
لا خالص فكروا فيها تاني
الأنوثة قوة ، الأنوثة انك تشغلي كل الإمكانيات اللي اودعها فيكي الله و ميزك بيها كأنثي
القدرة علي التحمل و طولة البال و الصبر و الدفء و الحنان و الإحتواء و ميزات تانيه كتيير ، شغليهم و بس و هتذهلي من النتايج
ادخلوا علي جوجل و اكتبوا أنوثة بالعربي أو بأي لغة وشوفوا الصور اللي هتطلع و انتوا هتفهموا ازاي البرمجة حصلت و ازاي اتشوه معني الأنوثة ، الناس بتشوف الأنثي جمال و جسد و ضعف و رقة ، مش مهم الناس شايفة الأنوثة ازاي المهم انتي بتشوفي نفسك أنثي ازاي
الأنوثة قوة داخل كل واحدة فينا هي اللي لما بتطلع بتخليكي تنجحي و تنجحي كل حاجه حواليكي
كوني فخورة انك أنثي ، هاتي و رقة و اكتبي ( نعم انا أنثي لأني ) و اكتبي علي الأقل ٢٠ حاجه و دوري جواكي عليها هتلاقيها و سبيها تطلع
لما تطلع استمتعي و اياكي تشوفيها ضعف
الست اللي صوتها عالي و عباراتها و ألفاظها قويه هي ست خايفة و ضعيفة و عايزة تثبت قوتها بأدوات خارجية
قوتك في إنك تكوني علي الطبيعة اللي خلقك بيها الله
اكتبوا في التعليقات نعم أنا أنثي لأني ……. ، علشان نفيد بعض و أنا أولكم
نعم أنا أنثي لأني بشعر بأولادي إن أصابهم أي أذي لما بيكونوا بعيد عني
نعم أنا أنثي لأني أهتم بكل من حولي و أفرح لفرحهم و نجاحهم
نعم أنا أنثي لأني أدعم من حولي و أساعدهم علي النجاح
معم أنا أنثي لأني وقت الأزمات استطيع إني أكون هادية و أهدي من حولي
يلا كملوا انتوا بقي 😉
صباحكم أنوثة 🙂
نانسي شبانة
هل ساعدك هذا المقال ؟