الرئيسية » أعرف » عاهات وتقاليد » الاختلاط له فوائد كثيرة وتحريمه حماقة!

الاختلاط له فوائد كثيرة وتحريمه حماقة!

بواسطة عبدالرحمن مجدي
831 المشاهدات
الاختلاط له فوائد كثيرة وتحريمه حماقة!

بيفضلوا يخافوا علي بعض في ابتدائي ويحبها زي أخته او حبيبته .. وبعدين بتفرقوهم في اعدادي وثانوي بحجة الشهوة والدين! .. وتخوفهم من بعض بحجة الشهوة والدين! .. وبعدين تيجي تدخلهم الجامعة تاني مع بعض هو شايفها حد غريب وخايف منها وهي خايفه منه ! .. العجيب في الأمر أن بداخلهم تجاذب فطري بعيداً عن الشهوة بيشدهم لبعض وفي نفس الوقت جواهم إعتقادات وقناعات بتخوفهم من بعض!

المشكلة مش مشكلة دين ولا شهوة .. المشكلة مشكلة طبقة إجتماعية معينة يتحكم بها عادات وتقاليد ورجال دين وقوم لا يتفكرون .. يسيرون وراء أفكار وقناعات تجعل حياتهم معاناة ومع ذلك مستمرون في السير بطريقة عجيبة .. !!

بعدهم عن بعض في المرحلة دي مش هيمنع العلاقات الغير شرعية الكاملة او الغير كاملة اللي بنسمع عنها .. لكن لو علمتهم ازاي يتعاملوا مع بعض وتكون عندهم فكرة العلاقة اللي ما بينهم تكون ازاي .. هيقدروا يحددوا بنفسهم الصح والغلط ويتعاملوا علي أساسه

صحيح علي فكرة المصايب هاتحصل في الحالتين .. بس هاتحصل بنسبة أقل لو احترمنا مشاعرهم اكتر من رغباتنا الشخصية أو المال .. واتعاملنا معاهم كابني آدمين .. بدلا من معاملتهم معاملة الحيوانات!

زي الضرب بالظبط في المدارس .. ليه المدارس الخاصة وبالذات المدراس اللي بيدفع لها بالدولار والجنية الاسترليني .. ليه مش بيفكر حد انه يضرب الأطفال فيها ؟

لأن الأطفال أصلاً متربين علي الاحترام مش الضرب ،، وكذلك المعلم مرتاح نفسياً ،، بعكس المدارس العامة !

وبعد كدا تلاقي ولد كل اللي يعرفه عن البنت مأخوذ من الافلام الاجنبية .. الأبعد ما يمكن عن عالم البنت المصرية .. وكذلك البنت كل ما تعرفه عن الولد مأخوذ من الأفلام والدراما .. الأبعد ما يمكن عن عالم الشاب المصري !!

وبالتالي علاقات فاشلة بالجملة !! .. سواء علاقات حب أو زواج صالونات

مش هاتقدر تعرف بنت مصرية غير لما تتعامل مع بنت مصرية .. مش هاتعرفها لما تتفرج علي فيلم أو تقرا كتاب !! .. ومش هاتعرف تختار أي بنت روحك ترغب في أن ترتبط بها باقي حياتك .. إلا عندما تتعامل مع كذا بنت ،، وكذلك الأمر للبنت .. لن تستطيعي أن تعرفي الشاب المصري عن طريق الكتب أو الأفلام !! .. ولن تعرفي أن تختاري صح وكل معلوماتك عن الولد مأخوذة من الكتب او الأفلام !!

عندما فصلنا الرجل عن المرأة قتلنا التعامل اليومي بينهما فصارا غريبين عن بعضهما بعضا وصارت المشاعر البسيطة تترجم على أنها حب ويبدأ كل طرف ينسج في خياله قصصاً لا تمت إلى الواقع بصلة.. !!

اقرأ المقال دا لو حابب تعرف معلومات وآراء وأفكار جديدة : الاختلاط حرام!!
اقرأ أيضاً: العادات التي تقوم بها خلال علاقتك بمن حولك – تمرين رائع
اقرأ أيضاً: سبب رغبتنا في الارتباط بشخص ما
اقرأ أيضاً: أهمية إقامة علاقات مع الآخرين..
اقرأ أيضاً: ولد وبنت = شهوة!!
اقرأ أيضاً: أي آله يجب ان أعبد

عبدالرحمن مجدي

هل ساعدك هذا المقال ؟

مقالات ذات صلة

اترك تعليقك !