الرئيسية » الذات » تطوير الذات » تعلم اللغة الانجليزية بمتعة وسهولة

تعلم اللغة الانجليزية بمتعة وسهولة

بواسطة عبدالرحمن مجدي
789 المشاهدات
تعلم اللغة الانجليزية بمتعة وسهولة

كان بقالى فترة بحاول أحسن من النطق بتاعى فى الـ English وأظبط فى الـ Grammar شوية والحقيقة أنا مؤمن ان اكتساب أى مهارة ما هو إلا ممارسة بنسبة 99,9% فـ الحل بالنسبة لى كان لازم يكون عملى مش مجرد أروح أخد كورس فى مكان أسمع شوية قواعد وأحفظ اللى بسمعه .

عشان كده دورت شوية لحد ما لقيت Verbling وعشان منقعدش نرغى كتير ، كل اللى هتعمله هو انك تدخل على الويب سايت : http://goo.gl/3V8lUD

– إفتح Google Chrome
– بتسجل أكونت جديد ( Free )
– بتختار اللغة الأم بتاعتك واللغة اللى عايز تتعلمها
– بتدخل على الـ Communities من هنا : https://goo.gl/69VaBk

تعلم اللغة الانجليزية بمتعة وسهولة

هيظهر لك اللى فى الصورة قدامك ده عبارة عن مجموعات تدريب على اللغة الإنجليزية متقسمة 3 مستويات على حسب مستواك الحالى بتختار المجموعة اللى تنضملها .

– لو لسه بتبدئ يبقى Beginner
– لو الإنجليزى بتاعك معقول يبقى Intermediate
– لو متمكن وعايز تحسن من الإنجلش يبقى Advanced

بعد ما بتختار أى مجموعة من دول بيفتحلك Hangouts

تحت رعاية Verbling فيها بعض الأشخاص من أكثر من دولة بيتكلموا مع بعض English عن طريق المايك عشان يحسنوا من نطقهم وسمعهم للغة بجانب الجرامر طبعاً إلخ …

هتجيب المايك بتاعك وتدخل تسلم على الناس وتبتدى تشارك بالكلام ومتتكسفش لو لسه مش عارف تتكلم براحتك لأن فى ناس كثير زيك من أسبانيا والهند وهولندا والصين واليابان ودول تانية كثير ، مبيعرفوش ينطقوا جملتين على بعض ، بس بيتعلموا وبيدخلوا يسمعوا كويس لحد ما يبتدوا ينطقوا صح .

الموقع فيه خدمة الدروس المدفوعة عن طريق مدرسين معتمدين من أمريكا وإنجلترا للناس اللى حابة تزود أو تتابع مع مدرس معين ده بيبقى بإشتراك شهرى حوالى 45 دولار فى الشهر من هنا : https://goo.gl/IUJJ3R

– ملحوظة ده مش ضرورى عشان تحسن من الإنجلش بتاعك معظم الناس اللى موجودة على الـ Communities مش مشتركين فى الخدمة المدفوعة دى ، بس حبيت أوضح للى حابب .

أخر حاجة عايز أقولها إن فعلاً الموضوع ده مش بس بيبتدى يحسن من اللغة بتاعتك بالتدريج لكن بيزود ثقتك فى نفسك وبيخليك تتعامل مع الإنجلش من غير خوف يعنى زيه زى العربى ، لما تتكلم كل يوم ساعة ولا ساعتين على المايك مع أجانب ، هتحس إن اللغة أسهل بكثير مما كنت تتوقع.

دا أجمل موقع وأمتع طريقة لتعلم الأنجلش وصلت لها لحد دلوقتي .. هتلاقي ناس من دول كتير .. تقدر تظبط معاهم وتتعرف عليهم وتتكلم معاهم وتصاحبهم كمان لو تحب .. عاوز أسباني هتلاقي .. عاوز صيني وماله .. عاوز هندي هتلاقيه بكل ألوانه متوفرة ومجاناً ^_^

.. يعتبر الموضوع مجرد تسلية ومتعة وتقدر تتعرف علي جنسيات مختلفة وتكون صداقات رائعة معاهم وتستمتع بوقتك .. بمعني أصح الموضوع كأنه تسلية ومتعة .. سلي نفسك بحاجة مفيدة يا عسل ^_^

احمد عزت

هل ساعدك هذا المقال ؟

مقالات ذات صلة

اترك تعليقك !