قصة ستاربكس – من أفقر الأحياء لثروة تقدر بـ 77 مليار دولار

من أفقر الأحياء فى بروكلين لثروة تقدر بـ 77 مليار دولار ، مالك Starbucks صاحب الـ 62 عام Howard Schultz

وأنا بعمل الفيديو الأخير ده : https://goo.gl/rWpK73
قريت عن Howard عشان أعرف قصه نجاحه أكثر .

إتولد فى عيلة متوسطة أو ممكن تقول أقل من المتوسطة ، أم هاورد كانت بتشتغل 12 ساعة فى اليوم عشان تقدر تصرف عليه وعلى إخواته ، أبوه كان عامل فى مصنع ثم بقى سواق تاكسى

وهو عنده 7 سنين أبوه رجله إتكسرت وقعد من الشغل لمدة كبيرة ، ساعتها كانوا مش لاقيين ياكلوا حرفياً لأن أبوه مكانش ليه معاش أو أى دخل يقدروا يتصرفوا منه …

هاورد بيقول على أبوه اللى مات بعديها بكام سنة إنه عاش عمره كله بيشتغل وبيتعب من غير ما يحقق اى حاجة يبقى سعيد أو فخور بيها

اتخرج من الجامعة واشتغل Sales فى Xerox لمدة 3 سنين ، بعد كده اشتغل فى محل ملابس مشهور إسمه Hammarplast وقعد فيه 5 سنين لحد ما بقى Sales General Manager

ستار بكس مش فكرة Howard ومش هو المؤسس بتاعها الكافيه كان موجود فى بروكلين بالفعل وهو شافه فى يوم وهو خارج من شغله ولفت انتباهه عدد الناس الكثير اللى بيشربوا قهوة فيه كل يوم

وقرر انه يقابل المؤسسين بتوعه ويشاركهم فى الكافيه وفعلاً حصل ، لحد ما فى مرة الشغل بعته رحلة لميلانو فى ايطاليا وشاف هناك الكافيهات اللى بتقدم Espresso ايطالى وقد ايه الاقبال عليهم كبير

وقتها قرر يفتح كافية فى ايطاليا سماه ” IL Giornale ” وقعد فيه سنتين لحد ما كبر وبقى عنده أكثر من 15 فرع فى ايطاليا وساعتها قرر هاورد انه يشترى Starbucks من صحابها تماماً ويبقى هو المالك

وده اللى حصل فعلاً والنهاردة ستار بكس موجودة فى 65 دولة بأكثر من 21,000 ألف كافيه فى العالم كله بيداروا من خلاله وقيمة الشركة أصبحت 77 مليار دولار ! …

أهم حاجة فى قصة الراجل ده انه بدئ من الصفر عادى ويمكن أقل من الصفر كمان فى أسره فقيرة وحى أفقر بس النهاردة وصل لأكثر من اللى كان بيحلم بيه ومن حى فقير فى بروكلين بقى ممكن يشترى بروكلين كلها بفلوسه .

إسمع الـ Speech بتاعه من هنا : https://goo.gl/vnooT4

أحمد عزت

هل ساعدك هذا المقال ؟

تصنيفات : قصص نجاح

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..