علاج التعب النفسي

لما بحس إني تعبان ومجهد نفسياً لأي سبب..
بروح بيت جدتي أقعد لوحدي فيه وأعيش كل المشاعر السلبية والضعف اللي جوايا
وبعد شوية.. بيطلع من جوايا شخصين بيتكلموا مع بعض ” القوي ، الضعيف ”

القوي: أنا زهقت علي فكرة
الضعيف: أنا مدايق وزعلان من الدنيا والناس محدش بيساعدني ولا بيقف جمبي بالعكس كمان الناس ديماً بتحبطني وأغلب الناس مش بيعرفوا يقولوا كلمة طيبة بحب .. كلهم عاوزينك أما تنفذ أفكارهم أو يقعدوا يكسروا فيك بكلامهم المسموم.

القوى: مش أنت اللي اخترت الطريق دا بنفسك وأنت عارف كويس أن مفيش حد هيقف جمبك ، وأنك هتمشي في الطريق دا لوحدك ؟ لأنك اتحررت من عبوديتهم ، واخترت انك تتحمل مسؤلية حياتك وأتبعت قلبك.. ♥ ، وأنت عارف كويس دا الطريق الوحيد المؤدي للحياة…
الضعيف: عارف يا عم بس كان نفسي يكون معايا ولو واحد يهون عليا الطريق والظروف الصعبة.

القوى: خلاص بقا يا تكمل في الحالة دي ولا أقولك استسلم للواقع والظروف وعندك مليون سبب يخلوك تستسلم والله .. وتعيش زي اللي حواليك .. تموت ببطيء كل يوم.
الضعيف: لالا مش هيحصل .. دا أنا أموت بجد وادفن احسن

القوى: خلاص قوم يالا .. هات إيديك
الضعيف: خد إيدي أهي .. ممكن أحضنك وأعيط طب

القوى: آه طبعاً .. علي فكرة أنا بحبك أوي
الضعيف: عارف والله من غيرك كنت انتحرت من زمااان اوي وأنت عارف كدا

القوي: عارف يا أهبل وتفتكرني كنت هاسيبك ، يالا كفاية قوم ^_^
الضعيف: يالا نكمل حلمنا وطريقنا مع بعض .. ♥ ، لازم هنوصل.

عبدالرحمن مجدي

هل ساعدك هذا المقال ؟

تصنيفات : تغيير الذات

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..