فكرة بسيطة = سعادتك المعنوية وراحتك المادية

من منطلق استغل بلدك بدل ما تستغلك.. !
من منطلق شغل عقلك تاكل بقلاوة ^_^

شاب مصرى كان موجود على Fiverr.com سنة 2010 كان بيقدم خدمة عبارة عن فكرة بسيطة جداً ، حضرتك عندك ويب سايت أو شركة أو مطعم أو محل أى كان وعايز تسوقه ، فابتبعت إسمه وبيروح الشاب ده كاتبه على لوحة ورقية كبيرة ومتصور بيه قدام الأهرامات مقابل 5 دولار بس .

وكان عامل إضافة للخدمة دى إنك لو عايزه يرسملك اللوجو بتاعك على اللوحة الورقية بـ 5 دولار زيادة ، الحقيقة على ما أتذكر ساعتها لما شوفت الـ Gig دى من سنتين كان عامل أكثر من 2000 أوردر على الويب سايت والـ Rating بتاعها كان كويس جداً .

بنتكلم تقريباً في 10 ألاف دولار من فكرة بسيطة جداً إعتمد فيها على الحاجة الوحيدة اللى ليها قيمة فى البلد دى وهى الأثار ، والحقيقة اللى سافر برة وبيتعامل مع أجانب يعرف إنهم بينبهروا جداً بالأهرامات وأبو الهول والمعابد والكلام ده ، فى حين ان بالنسبة لكثير من المصريين الأهرامات دى منطقة مهجورة ملهاش لازمة !!

ليه بكتب المقال ده عشان موقع Fiverr وغيره من المواقع زى Peopleperhour أسواق مفتوحة ممكن تكسب منها بسهولة ، بس محتاج تفكر وتقدم حاجة مختلفة ، ان حتى لو معندكش مهارة محددة أو مش محترف فى مجال معين ، فكرة واحدة زى فكرة الأهرامات دى ممكن تنقلك نقلة تانية…
*بالمناسبة الفكرة دى اتحرقت خلاص فكر فى حاجة جديدة ^_^

الخلاصة:

الشخص الحر هو من ينتج الأفكار المبتكرة والإبداعية، والأحرار في العالم قليلون جداً فأغلب البشر مستعبدون من قبل مجتمعاتهم أو أسرهم !!

الأفكار هي التي تأتي بالسعادة والمال لك بمنتهي السهولة واليسر ؛ لذلك الله لم يخلق بداخلك العقل والقلب عبثاً ! ، ولم يخلقهم حتي تستخدمهم لتثبت أن ما ورثته عن أجدادك من أفكار وقناعات صحيحة 100% !! ، وبالتالي لا تنمو ولا تتطور ولا تبدع ؛ لذلك قال لك كثيراً .. تأمل ، تفكر ، أعقل ، تعلم ، … وخلق من حولك ملايين الآيات التي تثير عقلك وقلبك لتتفكر لتبحث لتنعم بحياة أفضل من أجدادك…

الأفكار هي التي تأتي بالسعادة والمال ؛ ولكن المال بدون التفكير الإبداعي لا تستطيع أن تأتي بالسعادة ولا الأفكار !

كن من الأحرار المبدعين ولا تجعل مجتمعك أو أسرتك تسوقك للمصير محتوم وصل قبلك إليه الكثيرين من حولك.. !

اختار طريقك بنفسك .. السر كله فيك.. أنت فقط من يعرف أيه أحسن اختيار وأحسن حاجة ليك..

اتبع قلبك.. محتاج تكون جزيء.. محتاج تكون شجاع.. خد خطوة في طريقك..

أوعي تهرب من نفسك ومن أفكارك بالخوف والهروب للإكتئاب وعدم مواجهة المجتمع أو الأسرة ،، والأهم من ذلك مواجهة نفسك .

أحضن أفكارك.. لو لقيت في يوم أي فكرة أو قناعة هتخليك تخسر أهدافك والأهم هتخليك تخسر نفسك ! .. دمرها

إياك تكون ضعيف .. واجه .. قاوم .. اتعلم .. أكسر قواعد الموتي وأصنع قواعد حياتك بنفسك ^_^

عبدالرحمن مجدي

هل ساعدك هذا المقال ؟

تصنيفات : العمل & المال

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..