قصص تحدي – تحدي الحياة

قصص تحدي - تحدي الحياة

بنت أسمها Lola Bloomer عندها 3 سنين عندها مرض مميت، بيزود الإعاقات واحدة واحدة لحد ما يموتها في خلال سنوات معدودة، أمها في الأول كانت في حزن شديد جدًا وإنكار، بس بعد كدا قررت إنها هتخلي بنتها تعيش المتبقي من حياتها في أفضل حاجة ممكنة ومحققة لأكبر كمية من أمانيها، تزور ديزني لاند وعجايب الدنيا السبعة وكل حاجة حلمت بيها عشان تبقى عملت كل حاجة بتحلم بيها. الإبتسامة في الحالات إللي زي دي بتخفي وتbelie كمية ألم رهيبة جوة القلوب وخاصة الأم إنها تبقى كل يوم مستنية بنتها تموت، بس برضو شجاعة وحب للحياة يستحق مليون تحية.

.

قصص تحدي - تحدي الحياة

راجل هندي أسمه Dashrath Manjhi فقير جدًا ومن أقل الطبقات هناك، زوجته ماتت سنة 1959 بسبب إنها معرفتش تروح لأقرب مستشفى على بعد 56 كيلومتر بسبب إن الطريق للمستشفى لازم تلف حوالين جبل للوصول، بعد ما مراته ماتت قعد 22 سنة يحفر ممر في الجبل طوله 110 متر بإستخدام مطرقة وآداة نحت بدائية جدًا فقط عشان يقصر الطريق ل15 كيلومتر فقط. عمل كدا كهدية لزوجته الميتة عشان محدش تاني من أهل القرية يعاني نفس المصير وحد عنده يموت بسبب إنه مش عارف يوصل للمستشفى، وأنتهى من الممر سنة 1982 وحاليًا أتعمل له فيلم على قصته. بطل!

 .
قصص تحدي - تحدي الحياة

ست ألمانية بقالها 15 سنة مستخدمتش الفلوس خالص. من 22 سنة راحت مدينة Dortmund وهناك شافت ناس homeless كتير فقررت تعمل بيزينس أسمه “خد وهات” Gib und Nimm وفي المحل دا تقدر تبدل هدوم أو أدوات عنك مش عايزها مع واحد تاني بحاجة عنده انت محتاجها وهو لا. والموضوع بيتم بدون أي فلوس في المعادلة. وبعدها سابت وظيفتها كمدرسة ثانوية وبدأت تشتغل شغلانات تانية زي غسيل الأطباق (مما أثار إستغراب ناس كتيرة لأنها من مستوى متوسط ومتعلمة جامعيًا) وبعد كدا حياتها بدأت تتغير تدريجيًا وتعاملها في الفلوس بدأ يقل لدرجة إنها سنة 96 قررت إنها مش هتستخدم الفلوس تاني خالص، بعد ما عيالها أتجوزوا ومشيوا من الشقة، باعت الشقة وعاشت حياة متنقلة بتبادل مهاراتها وأشياءها بالأشياء والخدمات إللي محتاجاها. ودلوءتي مقضية حياتها بتقعد في بيوت ناس وتقدم لهم خدمات أو أشياء مقابل إنهم يدوها سكن وشايفة إنها كدا أسعد بمليون مرة من لما كان معاها فلوس وما إليه. وكتبت كتابين عن الموضوع وعلى الرغم من إنهم عملوا فلوس كتيرة جدًا إلا إنها أتبرعت بيها كلها للأعمال الخيرية وشايفة إن دي أفضل طريقة للمعيشة. كل متعلقاتها تتحط في سنطة ومش معاها غير 200 يورو لحالات الطوارئ.

.

قصص تحدي - تحدي الحياة

مدرس صيني أسمه Jiang Shengfa دراعاته الأتنين مقطوعين من صدمة كهربائية، بس مكرس حياته لتعليم الأطفال الفقرا وإللي في قرى بعيدة، وبيتغلب على إعاقته بإنه يربط الطباشير في دراعه ويقلب صفحات الكتاب بفمه، وبيمشي أكتر من 5 ميل يوميًا عشان يروح القرية إللي بيدرس فيها!!

.

قصص تحدي - تحدي الحياة

طفل أسمه Matthew Robison أتولد عنده إعاقات كتيرة بالغة بسبب نقص الأكجسين أتعمى وجاله شلل من رقبته لحد أخر جسمه وكان بيقول كلمات قليلة بس عاش لحد ما بقى عمره 11 سنة. لما مات أبوه فكر يعمل له تذكار جميل على قبره، عمل له التمثال دا بيرمز لأنه تحرر من الكرسي دا والقيود الأرضية إللي كانت مدرة حياته وكمان لتذكرة السعادة إللي عملها لهم في حياتهم في الفترة دي.

.

هل ساعدك هذا المقال ؟

تصنيفات : مقالات ثقافية متنوعة

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..