الرئيسية » معلومات عامة مفيدة » مستقبلك أهم من شهادتك !

مستقبلك أهم من شهادتك !

بواسطة عبدالرحمن مجدي
798 المشاهدات
مستقبلك أهم من شهادتك !

* شهادة إيه اللى عايزنى أخدها !
=================

لو لسه بتدرس زيي أكيد بتقابل الناس اللى بتقولك ركز فى دراستك
ولما تخلص إبقى اشتغل براحتك وضيع وقتك فى الكلام الفاضى ده
ما بين قوسين ( كورسات , سيمينار , شغل , مواقع . إلخ … )

الناس اللى بتقولك كده وجهه نظرها إنك لازم تتخرج وتاخد شهادتك
عشان بعد كده تعمل أى حاجة نفسك فيها لكن الأول لازم تاخد شهادتك !
حتى لو ده بيتعارض مع فرصة مش مضمون إنها تجيلك تانى فى المستقبل
حتى لو شهادتك دى بتتعارض مع مجال إنت بتحبه وشايف فيه مستقبلك ونجاحك

اللى الناس دى لازم تعرفوا .. إن مفيش وقت محدد لأى شهادة , مفيش سن محدد
الشهادة اللى بتخلص فى 4 سنين ممكن تاخدها فى 8 سنين … ممكن فى 12 سنة !
لكن الفرصة اللى هتقدر تحقق بيها نقله فى حياتك وفى كاريرك مبتجيش كل يوم !
الفرصة اللى هتخليك تنمى مهاراتك وتطور من نفسك بردوا مبتجيش كل يوم !

وعشان كده إوعى تضحى بحاجة إنت بتحبها عشان عادات وتقاليد
كثير مننا دخل جامعة عشان مجموعة مجابش غيرها لكن لا بيحبها ولا حاجة
لو هتضحى بمستقبلك عشان شهادة ترميها فى الدرج بعد ما تاخدها
هتبقى زيك زى غيرك , زى ملايين البنات والشباب اللى بيقولوا ياريتنى كنت عملت …

لما تحقق نفسك وتقدر تاخد خطوات كبيرة فى مستقبلك هيبقى معاك فلوس
تعمل دكتوراه لو عايز , لكن لو عشان الشهادة ضحيت بمستقبلك وكاريرك
بعد ما تتخرج مش هيبقى معاك فلوس تجيب بدلة عشان الإنترفيو !

مستقبلك أهم ياعم ^_^

اقرأ: اكتشف موهبتك – أيقظ الفنان بداخلك

أحمد عزت

هل ساعدك هذا المقال ؟

مقالات ذات صلة

اترك تعليقك !