الرئيسية » نكت مضحكة جدا » نكت مصرية مضحكة جدا

نكت مصرية مضحكة جدا

بواسطة عبدالرحمن مجدي
2071 المشاهدات
قصص جميلة ومؤثرة
في الهند العروسة بتدفع فلوس مهر للعريس
يعني العريس ياخد فلوس ويتجوز ملكة جمال
 
عندنا العريس بيدفع فلوس
وياخد جمال شخصياً هههههههههههههه
– – – – – – – – – – – –
أنواع الحكومات:
 
الحكومة الاشتراكية: ان تكون لديك بقرتان
فتعطي واحدة لجارك وتحتفظ بواحدة لك
 
الحكومة الشيوعية: ان تكون لديك بقرتان
فتأخذ الحكومة الاثنين وتعطيك بعض اللبن
 
الحكومة الفاشية: ان تكون لديك بقرتان
فتاخذ الحكومة الاثنين وتبيع لك اللبن
 
الحكومة المصرية: ان تكون لديك بقرتان
فتأخذ الحكومة الاثنين وتحلبك انت هههههههههههههههه
– – – – – – – – – – – –
في مصر بس لو قلت لواحد
صباحك زي وشك
تلاقيه بيزعل
 
احنا شعب عارف ان وش امه فقر هههههههههههههههه
– – – – – – – – – – – –
فكهاني اخدوه داعش وغسلوله مخه
وقالوله: انت خلاص بقيت جهادي معانا ولازم تختار اسم حركي ليك
قالهم: هختار برتقال
قالوله: مينفعش لازم يكون اسم مركب يعني زي
ابو البراء ، ابو قتادة ، ابو القعقاع
قالهم: طيب خلاص ابو صره ههههههههههه
– – – – – – – – – – – –
عزيزي المواطن:
لو بتقبض 1000 جنية في الشهر
يبقى مرتبك 50 دولار
 
لو بتقبض 2000 جنية في الشهر
يبقى مرتبك 100 دولار
 
لو بتقبض 3000 جنية في الشهر
يبقى مرتبك 150 دولار
 
وحد الفقر العالمي هو 200 دولار في الشهر
يعني حضرتك طبقاً لحد الفقر العالمي
مش فقير … أنت متسول هههههههههههه
– – – – – – – – – – – –
واحد راح يشتري كرتونة بيض
بيقول للبياع بكام الكرتونه
قاله بـ 45 جنية
قاله ليه يا عم
قاله الدولار غلي يا باشا
قاله والفرخة عرفت منين
ان الدولار غلي ههههههههههه
– – – – – – – – – – – –
روحت اجيب كيلو لحمة راس
الجزار قالي بـ 85 جنية
 
ليه هو العجل كان علمي علوم ! هههههههههه
– – – – – – – – – – – –
مهر البنت الطويلة المقبلة على الزواج
بجنوب السودان 300 بقرة
والبنت لاقصيرة من 90 الى 150 بقرة
 
النظام ده لو اتطبق عندنا
فيه بنات كتيير هتتفك بمعزتين وارنب
– – – – – – – – – – – –
اليابان بعد 9 سنين من ضربهم
بالقنبلة الذرية عملوا اسرق قطار في العالم
 
واحنا بعد 43 سنة من نصر اكتوبر
عملنا البحر طحينه وكتبنا عليه اسامينا
من فوق الموج عدينا ولا حاجة تأثر فينا ههههههههههههه
– – – – – – – – – – – –
في اليابان المدرس يقول للطالب
نجاحك هو نجاح اليابان
وفشلك هو فشل اليابان
 
عندنا المدرس بيقولهم
نجحت ولا سقطت انا كده كده
هاخد مرتبي وال يهمني حاجه
 
وطبعاً ده سبب تقدمنا
وتأخر دولة اليابان الشقيقة ههههههههههه
– – – – – – – – – – – –
في أوروبا مجرد أن شخص يزعل
يكره الحياة ويقرر الانتحار ..
 
وعندنا في مصر:
مديون .. ومتخانق مع مراته
والشغل خاصمين نص راتبه
ومخالفات مالرور مطلعه عينه
وقروض بنوك .. والعربية مخبوطة
وقولون وضغط وفقر دم وسكر
والدكتور عاوز فلوس
والموبايل مفيهوش رصيد
 
وتلاقيه قاعد في القهوة بيلعب طاولة
ويقول لصاحبه: عاوزين نروح الساحل الشمالي
يومين نطري على قلوبنا
 
ربنا يثبتك يا برنس دايماً معنوياتك مرتفعه ههههههههههه
– – – – – – – – – – – –
مصري راح المانيا يزور صديقه الألماني
فطلعوا يتمشوا في أحد الشوارع
فشاف المصري كلاب توزع جرايد
والكلب عاريق هيوزع على كم بيت واسم الجرايد
اللي بيوزعها لكل بيت
 
قال الالماني للمصرين: شوفت الكلاب عندنا
بنستفيد منها ازاي وموفرين لينا عمالة
 
بعد شهر رجع المصري لبلده ومعاه صديقه الألماني
وطلعوا يتمشوا في الشارع
 
فضرب المصري بعصايه على عربية مركونة جنب الطريق
فطلع من تحت العربية قط متبهدل ومتوسخ وكله زيت من العربية
 
قال المصري للألماني: شوف اهو ده ميكانيكي كان بيغير زيت للعربية
وانتوا لسه بتوزعوا جرايد
الألماني اغمى عليه ههههههههههههههههه
– – – – – – – – – – – –
معروفة في مصر
أبوك ظابط هتطلع ظابط
أبوك مستشار هتطلع وكيل نيابه
أبوك دكتور هتطلع دكتور
أبوك دكتور جامعي هتطلع معيد
 
أبوك راجل غلبان
هيطلع ميتين أبوك هههههههههههههههه
– – – – – – – – – – – –
في أوروبا يفضلون المرأة الطويلة
على القصيرة لأنها أكثر جاذبية
 
في اسيا يفضلون المرأة القصيرة
لأنها خفيفة وتمتلك الجمال
 
عندنا في مصر يفضلون المرأة الموظفة
حتى لو عندها شلل رباعي ههههههههههه
– – – – – – – – – – – –
البيضة هتبقى بـ 2 جنية
يعني الفرخة دخلها الشهري
اكتر من موظف الحكومة
 
نصيحة: قدم استقالتك وبيض احسن ههههههههههههههه
– – – – – – – – – – – –
أمريكاني مغرور بيقول لسواق تاكسي مصري
فرجني على مصر اللي بتقولوا عليها ام الدنيا
 
الأمريكاني قاله ايه ده ؟
سواق التاكسي قاله: ده البرج
 
قاله: بنيتوه في قد ايه ؟
قاله: في ست سنين
 
قاله: لييييييييه احنا بنينا تمثال الحرية في أربعة بس
المصري اتغاظ ووداه عند القلعة
 
قاله: ايه دي ؟
قاله: القلعة
 
قاله: بنيتوها في قد ايه
قاله: سنتين بس
 
قاله: ليه دحنا بنينا البيت الأبيض في سنة واحد بس
 
المصري اتغاظ ووداه عند الهرم
الأمريكي اتخض وقاله يااااااااااااااه ايه ده
رد المصري قاله: معرفش
دانا كنت معدي من ربع ساعة ومنكش موجود ههههههههههههه
– – – – – – – – – – – –
ورق الهجرة في ايدك
باسبورك في جيبك
اللي يقولك اقعد في مصر لسه في امل
قوله أمل دي تبقى أمك هههههههههههههه
– – – – – – – – – – – –
واحد مصري دخل مول في دبي مع صاحبه
وموقف عربيته بالغلط في مكان المعاقين
ولما طلع لقي على العربية مخالفة
بـ 5000 درهم وقفل على الكاوتش
 
رجع للمول ودخل الصيدلية واشتري كرسي متحرك
بـ 400 درهم وقال لصاحبه زوقني على الكرسي
 
لما وصلوا للعربية اتصل على الأمن وأول ما شافوه
اعتذروا ليه وشالوا المخالفة وفكو القفل
ولما مشيوا رجع للصيدلية وقال
معلش الكرسي مش مناسب للوالدة
وخد فلوسه ومشي
 
المصري معروف بجبروته هههههههههههه
– – – – – – – – – – – –
في اليابان
لما يبقى عمر الطفل سنتين
بيعلموه فك الكمبيوتر وتصنيع الساعات
 
عندنا
يالا حبيبي
تف على عموو هههههههههههه
– – – – – – – – – – – –
الخلاصة:
اللي اتجوز اتجوز من زمان
واللي سافر سافر من زمان
واللي اشترى عربية اشترى من زمان
واللي جاب شقة ولا دهب جاب من زمان
 
أقول قولي هذا
واستغفر الله لي ولكم ههههههههههه
– – – – – – – – – – – –
3 تفاحات غيروا العالم
نيوتن عمل منها الجاذبية
ستيف جوبز عمل منها شركة أبل
المصري عمل منها شيشة تفاح ههههههههههههههههه
– – – – – – – – – – – –
سكينة في مول العرب
بـ 6000 جنية
 
والله لو هتقطع الشك باليقين
ما هشتريها ههههههههههههههههه
– – – – – – – – – – – – – – – – – – – –
اقرأ أيضاً: نكت مصرية مضحكة
اقرأ أيضاً: نكت مضحكة جدا
.
 
هل ساعدك هذا المقال ؟

مقالات ذات صلة

اترك تعليقك !