الدكتور الشيف وسام مسعود – برنامج الشيف

ده شيف مشهور اسمه وسام مسعود ..بالصدفه النهارده بقلب لاقيته مستضفينه فى برنامج الستات ميعرفوش يكدبوا …الراجل بيحكى قصته اللى اد ايه دخلت دماغى جداااا وعجبتني جدااااا … بجد شخص رائع وسام مسعود

– الراجل خد IGCSE …وبعدين جاب مجموع عالى و دخل كليه طب قضى السبع سنين و اتخصص فى المخ والاعصاب …سافر امريكا درس هناك سنتين فى مراكز ابحاث و رجع على مصر اشتغل بردوا فى مجال الابحاث و بتاع ..كل ده عاادى

اللى مش عادى انه بص لنفسه وهو عنده 30 سنه لاقى نفسه بيدرس حاجه مش حاببها و هو هوايته من وهو صغير المطبخ ولما لاقى نفسه عنده 30 سنه وقف مع نفسه وقفه حلوه كده وقال انا مقدرش اكمل عمرى فى حاجه انا مش حاببها وقرر ان ينتقل من مهنه الدكتور الى مهنه الشيف اللى هاويها !!

– قعد 3 سنين يشتغل 16 ساعه فى مطعم مساعد طباخ بعد ما كان دكتور بيشتغل فى نبطشيه ! لحد ما بقى دلوقتى شيف مشهور شاطر ناجح احسن من مليون دكتور

-الناس وقتها كانت بتقول عليه مجنون ! هااا طب ودلوقتى ؟!!
-عايز اقول ثقافه بان المجموع العالى يبقى لتبقى دكتور او مهندس ثقافه متخلفه جداا

– صعب ان اخد قرار وانا عندى 16 سنه ادخل كليه ايه و اعرف انا عاوز ايه ..طول ما انا فاكر ان احسن الناس هما كليات القمه وبس فطبيعى كل هدفى حيبقى ان اجيب المجموع بتاعها ولو ماجبتش ابقى فاشل!

– احسنلك انك تكتشف الموهبه اللى عندك و تنميها و تبقى مميز و تبدع فى اللى حاجه اللى حاببها

-ولو لاقيت نفسك فى حاجه مش حاببها ..انجح فيها بس وقف و متكملش ودور على اللى داخل دماغك حقيقى

– انا بجد أحيي الراجل ده على جرأته فى اتخاذ القرار و مصالحته مع نفسه جدا لانه خد قرار مصيرى ناس كتير تخاف تعمله لمجرد ارضاء الآخرين و البرستيج !!

قرار شجاع – قرار مصيري …

الحياة إما أن تكون مغامرة جريئة أو لا شيء ” لهيلين كيلر ”

هل ساعدك هذا المقال ؟

تصنيفات : أعرف أكثر عن,قصص نجاح

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..