الرئيسية » الذات » تحفيز الذات » كلمات أغنية الظروف – مشروع هيب هوب 2016

كلمات أغنية الظروف – مشروع هيب هوب 2016

بواسطة عبدالرحمن مجدي
1835 المشاهدات
كلمات أغنية الظروف - مشروع هيب هوب 2016
بتشوف كتير ظروف يا بنقبلنها يا بنحاربها
خليك قنوع بالدنيا مش مهم تكون حاببها
قصة حياتك انت اللي بايديك بتكتبها
بايديك ترفعها للسما أوعاك للأرض تجيبها
 .
ماتستسهلش ماتستسلمش لحالك
ماتستهونش بقدراتك انوى واصلح أحوالك
لو ليك نصيب في حاجة هتشوفها لو ابعد من خيالك
ولو مش مكتوبالك مش هتطولها ولو قدامك
واجه القهر اتعب اعرق انحت في الصخر
اتك علي الصبر وكل يوم هتحس بفخر
انك رغم الاغراءات محدد خط سيرك
وطول ما ضميرك مرتاح هتفضل احسن من غيرك
اللي اتخدع بالطمع وبالجشع اتصاب
مهما يمتلك فقير ميملاش عينه إلا التراب
فاحلم واسرح بخيالك واهرب من سجن يأسك
علشان الناس تصدقك لازم تصدق نفسك
.
قربت تشوفني في يوم زي ما انا شيفاك
مفيش بينا اختلاف .. جرب يوم تفهمني
مع بعض أحنا عايشيين وفي كل مكان معاك
انا بقلبي عرفاك محتاج أنت تعرفني
.
عادي يعني راح كتير بس ليسه اللي جاي اكتر
أوعي تيأس للي فات بكرا لازم فيه تفكر
مهما زادت الضغوط اوعي حلمك يوم يموت
مهما يعلي صوت الضعف خلي صوتك أعلي صوت
انسي اي كلمة فيها يأس انسي اي خوف
صدق حلمك انت بس مهما زادت الظروف
مهما كان صعب وبعيد مهما ضاقت الحياة
ليسه بكرا يوم جديد يبقي فيه أمل معاه
طير وعدي للسحاب افتح الف والف باب
اوعي تندم يوم ربنا بيسبب الاسباب
املا بكرا بالسعادة بكرا دا سكر زيادة
بكرا فيه كام ضحكة حلوة حتي لو بقيتوا سادة
الفكرة فكرة انك تفضل شايف نفسك اكبر
سامع نفسك بتقولك مآمن بيك صدقني هقدر
متسبش الحلم مدام اخترت يبقي ليك بداية
اتعلم من كل تجاربك الفشل مش النهاية
.
قربت تشوفني في يوم زي ما انا شيفاك
مفيش بينا اختلاف .. جرب يوم تفهمني
مع بعض أحنا عايشيين وفي كل مكان معاك
انا بقلبي عرفاك محتاج أنت تعرفني
.
من كتر الخوف بقيت باخاف اخاف
اعتبرت حياتي كتاب وكتبت اسمي علي الغلاف
ظروفي والظروف نفس الكلمة مع اختلاف اليه والكاف
فلازم اكون متشاف ما ينفعش اكون شفاف
ساميني عرفة الشواف اعمي وفكرينه بصير
وسط الضلمة وجهت نظري كشاف بطريته ضميري
فمتفكش كتير لكل سالب موجب ولكل موجب سالب
.
وقتك بيسرقك فلازم تسبق العقارب
اتخلقنا في كبد علشان عندنا مشاعر
نخاف ونقلق ندايق ونفضل نعافر عشان نستحق اللي هنوصل فيه للاخر
فانا هفضل أحاول أنا مؤمن بالـ ….
أصل أنا اللي بكتب الظروف مش هي اللي بتكتبني
انا اللي قاتل كل خوف قبل ما يعذبني
وسط كل سكة ضلمة قادر ألقي نور
بنيت ما بيني وبين اليأس ألف سور
.
قربت تشوفني في يوم زي ما انا شيفاك
مفيش بينا اختلاف .. جرب يوم تفهمني
مع بعض أحنا عايشيين وفي كل مكان معاك
انا بقلبي عرفاك محتاج أنت تعرفني
.

.
هل ساعدك هذا المقال ؟

مقالات ذات صلة

اترك تعليقك !