الرئيسية » الذات » تطوير الذات » ما هي رسالتك في الحياة

ما هي رسالتك في الحياة

بواسطة عبدالرحمن مجدي
1112 المشاهدات
ما هي رسالتك في الحياة
بتاكل ؟ بتشرب ؟ بتنام ؟ بتعمل إخراج ؟
طيب بتفرح ؟ وتلعب ؟ وتستمتع ؟
بتهتم باللي حواليك ؟ بتساعدهم ؟ بتتبرع ببعض اللي عندك للي محتاج ؟
بتساعد اخواتك ؟ بتربي أولادك ؟ بتهتم بوالديك ؟
بتستمتع بالطبيعة وجمالها ؟ بتقابل أصحابك سواء على النت أو في أماكن الخروجات ؟
بتاخد شاور وتنزل البحر وتستمتع بحرارة الشمس ؟
بتتدفى في البرد وتستمتع بالدفء . وتتخفف في الحر وتستمتع بالبرودة ؟
بتسجد لربنا وبتراعيه في اللي بتعمله ؟
.
كل دا شكله حلو أوي .
لكن عمرك فكرت في حاجة بسيطة كده ناس كتير مش واخدين بالهم منها ..
ارجع أقرأ الكلام اللي فوق دا وأسقطه على قطة أو كلب ..
هتلاقيهم في الغالب بيعملوا كده وأكثر كمان .
معظم الحيوانات بتعمل كده . صدقني وأحسن من معظم البشر كمان !!!!
لو قارنت سجودك مثلا بسجود المخلوقات مش هتيجي جنبهم حاجة 🙂
لو قارنت وفاءك وعطاءك بوفاء الكلب مثلا هتتكسف من نفسك !!
.
طيب إيه الفرق بينك وبين هذه المخلوقات التانية ؟!!
صدقني : ربنا أعطاك العقل وكرمك على سائر المخلوقات عشان رسالة غاية في الأهمية والتأثير
رسالة مايعرفش أي مخلوق غيرك يعملها ،، ما يعرفش أي كائن تاني غيرك يعملها !
رسالة لو عرفتها هتكون الحاجات اللي فوق دي مفجر سعادة واستمتاع لا تتخيله .
ولو معرفتهاش هتكون الحاجات اللي فوق دي طعمها بيقل يوم بعد يوم لغاية ما تحس بالخنقة والضيق والتعاسة والألم .
معظم حالات الانتحار بتحصل لناس كانوا بيعملوا الحاجات اللي فوق دي وأكتر كمان صدقني ، بل إن أغنى دول العالم اللي فيها ناس بينتحروا بيكونوا بيعملوا أكتر من اللي فوق دا !
لكن لسة تعيس .. مش عارف هوا عايش ليه ؟!! وفي العمق مش عارف إيه الفرق بينه وبين الحيوان ؟!
.
لو بتعمل الحاجات اللي فوق دي بس من غير ما تكون عارف رسالتك في الحياة ، صدقني هتمر بحالات ملل كتير وزهق وهتجذب مستغلين كتير جدا في حياتك ، وهتحس إن الطيبين مالهمش مكان في الأرض ، وهتكون دايما مخنوق ومتضايق ويادوب دخلك بيكفيك إن كان عندك دخل أصلا وهتلاقي على الدوام عسر في الحياة
.
إن لم تكتشف رسالتك في الحياة ، ستعيش أسوأ أنواع الحياة ، وإن عرفتها ستعيش أسعد أنواع الحياة ..خذ وقتك لأن هذا هو أخطر هدف الآن لابد لك من التفرغ له ، كلما اكتشفت رسالتك أكثر كلما ودعت الألم أسرع .. فلتجعل كل إنفاقك في الأيام القادمة للقراءة والبحث والتنقيب عن كيفية اكتشاف رسالتك في الحياة ، اقرأ لكل الناس ، اسمع من هنا ومن هنا ، صدقني دي من أهم معلومات الحياة وكل لحظة بتعدي عليك من غير ما تعرفها بتضيع منك روائع كتير أوي ، وصدقني إن لم تكتشف رسالتك في الحياة ستفقد متعة أي نجاح تصل إليه .. أنت السبب .. اختر
 
د. أحمد عمارة
هل ساعدك هذا المقال ؟

مقالات ذات صلة

اترك تعليقك !