الرئيسية » العلاقات » مقالات عن تربية الاطفال » نصائح لتربية الاطفال – طرق تربية الاطفال

نصائح لتربية الاطفال – طرق تربية الاطفال

بواسطة عبدالرحمن مجدي
1095 المشاهدات
نصائح لتربية الاطفال - طرق تربية الاطفال

طفلي كذاب ، سارق ، عنيف ، بليد ، عصبي ، مهمل ، ضعيف الشخصية ،غبي ، مستفز ،عنيد ، رافض و مدمر

كل دي مسميات بنطلقها علي أطفالنا ، نفضل نراقب تصرفاتهم و نحللها علشان نثبت لنفسنا ان الصفة اللي نسبناها للطفل حقيقية!!

لما تطلقي صفة علي طفلك بيكون صورة ذهنية عن نفسه و بتتحول لواقع تدريجيا

تلاقي أم تقولك طفلي مش طبيعي و لما تسألها إيه هي السمات الطبيعية لعمر طفلك متعرفش ترد !!
قبل ما اطلق صفة علي ابني افهمي الأول السمات الطبيعية للمرحلة العمرية لطفلك

الطفل الطبيعي شغوف و مبدع و مستقل و أحنا نسميه عنيد و رافض و عنيف و نقول عليه مش طبيعي
بلاش تضخيم بسطي الموضوع اعرفي السمات الطبيعية و تعاملي مع الأخطاء علي أنها مجرد أخطاء تحتاج للتوضيح و الشرح

الطفل حقه أن يخطأ و حقه عليكي أن تعليميه و واجبك تجاهه التكرار و التكرار و لا تملي من الشرح و التوضيح

ربنا اعطانا حق الخطأ و اعطانا وسيلة تدارك الخطأ و التوبة ، هل من المنطقي انك تسلبي الحق ده من طفلك و انتي بشر زيك زيه !

هل يعاقبنا الله علي أخطأنا لحظيا ولا بيعطينا فرص لنصحح

تعلمي كيف تكوني متسامحه مع طفلك ، علميه عواقب أخطاءه ، علميه كيف يتدارك أخطاءه و اعطي له الفرصة
– – – –
كل سلوكيات الأطفال لها دوافع و أهداف
لو عايزين تعدلوا أي سلوك سلبي يبقي تعرفوا الدافع و الهدف من هذا السلوك لكي نستطيع تعديله لسلوك إيجابي

الدوافع دائما إيجابية

ممكن نفس السلوك يعمله طفلين مختلفين و يكون الدافع مختلف
علشان كده لما أم تقولي طفلي بيعمل كذا بسألها شوية أسئلة علشان أقدر أحدد الدافع فتعرف تعدل بسهولة
لكن فكرة لو طفلك بيعمل كذا اعملي معاه كذا مش دايما بتجيب نتيجة لأن دوافع الأطفال مش دايما بتكون زي بعضها

يعني مثلا الطفل اللي بيعند
ممكن يكون هدفه لفت الإنتباه و ممكن يكون هدفه الإصرار أو الإستقلال و ممكن يكون الشعور بالحرية ممكن يكون رغبة في التقدير ممكن حاجات كتيير
ابحثي عن الدافع و اعمليه له إشباع يتعدل السلوك تلقائياً
– – – –
علي قدر إيماننا أن الله هو من يربي أولادنا و أن الله هو الرازق الحامي الحافظ و أننا مجرد وسيلة و لسنا سبب علي قدر الهدوء و الراحة و الإستمتاع اللي هنحسه و إحنا مع أولادنا

علي قدر الروقان و الهدوء علي قدر تسخير الله لكل الظروف حولك لتنعمي و ترتاحي أكثر و أكثر

اشكروا الله و استمتعوا…
– – – – – – – – – –

نانسي شبانة

اقرأ أيضاً:

هل ساعدك هذا المقال ؟

مقالات ذات صلة

اترك تعليقك !