جيف بيزوس Jeff Bezos و Amazon
من جراج البيت لشركه بإجمالي مبيعات 583 مليار دولار
إذا كنت استثمرت في امازون 1000 دولار في 1997
كان زمانهم 640,000 ألف دولار 😀
ـ
جيف بيزوس من مواليد 1964 عنده 53 سنة
اكتر حاجة كانت شغلا في حياته (how things work)
وهو في الثانوي كان بيشتغل في McDonald’s
وبعد كدة فتح اول مشروع في الجراج كان عبارة
عن مركز صغير تعليم طلاب الصف الخامس والسادس
وكان اسمه the Dream Institute
ـ
في 1986 اتخرج من جامعة برنستون في البداية
درس فيزياء بعد كدة حول للكمبيوتر والهندسة الكهربية
بعد الجامعة اشتغل في شركه ناشئه اسمها Fitel ومنها
انتقل لعدد من الشركات في Wall Street لحد موصل
انه كان اصغر نائب رئيس في احدي الشركات
ـ
عام 1994 وهو عنده 30 سنه قرر يسيب الشغل
ويمشي بعد ما لاحظ انتشار الانترنت وشاف في المستقبل
وقرر يبدأ رحلة الـ 90 مليار دولار من جراج البيت
أنشئ موقع Amazon وكان متجر اونلاين للكتب
ـ
عام 1995 وبعد افتتاح الموقع بشهرين
حقق مبيعات بـ 20 ألف دولار والشركة ومن بيع الكتب
الي بيع ال CDs والملابس والالكترونيات لحد ما في
اخر السنه كانت وصلت الي 510 الف دولار وخدت تمويل
بـ 8 مليون دولار وكان واحد من أعظم الاستثمارات
في التاريخ العائد علي وصل الي أكثر من 55,000%
ـ
عام 1997
الشركة قعدت تكبر لحد ما
عملت مبيعات 147 مليون دولار
وقرر يدرج الشركه للطرح في البورصة وكان
وكان سعر السهم سعتها 18$ (ونركز هنا 😀 )
ـ
عام 1999
اختارته مجلة الـ TIME رجل العام ونزل علي غلاف المجلة
والشركه عملت 1.65 مليار دولار و 14 مليون عميل
ـ
ومن هنا الشركة فضلت تكبر لحد ما بقت
بتملك تحتها أكثر من 45 شركة و براند مختلف
واشترت 78 شركة وضمتها ليها
وأصبح بيعمل فيها 340,000 الف موظف
ووصل سعر السهم من 18$ الي 1050 دولار
بإجمالي دخل في 20 سنة 583 مليار دولار
ووصلت قيمة الشركة إلى 500 مليار دولار
ـ
من كتر حبه في الفضاء أسس شركة Blue Origin
تعمل في إطلاق وتطوير صواريخ فضائية زي SpaceX
وبتحاول تخلي السفر للفضاء ارخص
ـ
جيف استثمر في جوجل سنة 1998
واستثمر في شركات كتير منها Airbnb
و Uber و قام بشراء صحيفه Washington Post
بمبلغ 250 مليون دولار وصل إجمالي استثماراته
المعلنة 700 مليون دولار في 20 شركة
ـ
ثروة جيف كانت
في 2010 وصلت إلى 12 مليار
في 2011 وصلت إلى 19 مليار
في 2014 وصلت إلى 30 مليار
في 2015 وصلت إلى 50 مليار
في 2017 وصلت إلى 91.4 مليار
وأصبح أغنى شخص علي وجه الأرض
.
اقرأ أيضاً: قصة كفاح موقع امازون – قصة طموح لا نهاية له
.
عمرو عماد
هل ساعدك هذا المقال ؟
