الرئيسية » العلاقات » العلاقات مع الآخرين » اكسب ذاتك – خليك تلقائي عفوي وهاتخسر ناس كتير مبروك!

اكسب ذاتك – خليك تلقائي عفوي وهاتخسر ناس كتير مبروك!

بواسطة عبدالرحمن مجدي
2296 المشاهدات
اكسب ذاتك - خليك تلقائي عفوي وهاتخسر ناس كتير مبروك!

خليك تلقائي وعفوي وهاتخسر ناس كتيير – مبروك عليك!

#حقيقة
كل لما تكون عفوي.. هاتخسر ناس كتير ، وناس أكتر هاتفهمك غلط وبسوء نية.. بس هاتكسب أهم حاجة وهي نفسك

أوعي تقبل صديق أو شخص أنت معجب بيه.. وهو لا يقبلك انت كما انت
أقصد أوعي تقرب منه أوي أو تعطي له مساحة كبيرة من أهتمامك أو قلبك
لانه ببساطة مش مناسب ليك أنت ،ممكن يكون شخص جيد ولكنه غير مناسب ليك أنت…

الصديق الحقيقي أو الحبيب الحقيقي أو شريك الحياة المناسب ليك
بتكون علي طبيعتك تماما وأنت معاه
بتكون معه ما تشاء دون تحفظات ودون إعتبارات أبداً
لا حياء أبدا ، لا خوف من ردة فعل ، لا خوف من سوء فهم
شخص يستطيع أنا يملأ قلبك بالحب وينعش روحك بالحياة
وتجد نفسك منسجم معه تماماً

اكسب ذاتك - خليك تلقائي عفوي وهاتخسر ناس كتير مبروك!

لما بتكون عبيط وأهبل… بيتقبلك وبيكون مبسوط وهو معاك
ولما بتكون حكيم وفليسوف… بيتقبلك وبيكون مبسوط وهو معاك
لما بتكون فرحان اوي… بيتقبلك وبيكون مبسوط وهو معاك
ولما بتكون حزين اوي… بيتقبلك وبيكون مبسوط وهو معاك
لما بتكون قوي… بيتقبلك وبيكون مبسوط وهو معاك
ولما بتكون ضعيف… بيتقبلك وبيكون مبسوط وهو معاك
لما بيكون معاك فلوس… بيتقبلك وبيكون مبسوط وهو معاك
ولما تكون علي الحديدة… بيتقبلك وبيكون مبسوط وهو معاك

من الأخر بيتقبلك بكل حالات النفسية وبكل صفاتك.. بيتقبلك أنت كما أنت بدون شروط لتغيرك علي حسب أهواءه الدينية أو الفكرية .

لما بتكون في أي حالة إيجابية بيكون مبسوط اووي وفرحان بيك…
ولما بتكون في اي حالة سلبية بيكون تعبان معاك ويمكن أكتر منك وبيحاول يخفي ألمه وتعبه ويخليك تخرج من الحالة دي وتقف علي رجليك من الأول.. وقمة السعادة وفرحة قلبه الحقيقية لما يقدر يخرجك من الحالة السلبية دي ويوصلك لحالة إيجابية ويفرح قلبك .

عاوز اقولك حاجة مهمة يا صديقي..
بين العفوية والتحكم تجد الحياة الطبيعية
ياصديقي :
خير الأمور الوسط في كل شيء… والتطرف سيئ جدا في أي شيء
يستطيع #التطرف أن يخرب أي شيء جميل .

يا صديقي عبّر عن نفسك بصدق ، عبّر عن نفسك بكل الطرق الممكنة
ولا تخشى إنهيار الصور الذهنية للآخرين عنك .
يوجد مئات الصور الذهنية لدي من حولك عنك ،ولكن السؤال الأهم :
أي صورة انت حقاً ؟!!
وفي الغالب ولا صورة واحدة تعبرعن حقيقتك.. حقيقتك لن يعلمها إلا ثلاث فقط :
1- الله
2- أنت (عندما تصدق نفسك ؛ تعرف حقيقتك.. في الحقيقة تظل طول عمرك كل سنة وكل شهر تعرف جزء عن عمق ذاتك وعمق روحك وتذوب عشقاً في خالقك وحباً لنفسك وحباً لخلق الله كلهم بدون شروط)
3-شخص إنعكاس لروحك ” سواء كان صديق أو حبيب ”

غير ذلك.. فالصور تدل علي شخصيات الآخرين وليست عنك.. حتي لو كانوا هؤلاء الآخرين أبويك أو أخواتك أو أقرابك أو … !!
رأي الآخرين فيك لا ولم ولنَ يدُل عليك ؛لان هذا الرأي يكون مبنياً على قيم وتفكير هؤلاء الآخرين..وليس صفاتك انت.. د.ابراهيم الفقي

صورتك الحقيقة انت تصنعها بنفسك وقد خلقك الله في احسن تقويم..
أتعلم ذلك ؟!
انت مخلوق أكبر من صورة محددة بواسطة بشر.. !
فلا تجهد نفسك في الحفاظ على وهم !

فكر لمدة بضع ثواني في هذه الجملة
موبيل من صنع شركة أبل
ماذا تتوقع أن يحتويه هذا الموبيل ؟!
طبعاً ملايين المميزات التي لن تستطيع أن تتعلمها كلها في يوم واحد ؛ لأنها شركة أبل الذي أسسها الأسطورة الراحل ستيف جوبز

معلشي بقا تعالي فكر تاني لمدة بضع ثواني في الجملة التالية دي واستشعرها بكل كيانك.. استشعرها بعقلك وقلبك وكل ذرة بداخل جسدك
أنت من صنع الله

في ماذا فكرت عندما قرأت هذه الجملة ؟
أنت كائن ضعيف
أنت كائن تلعب به الظروف
أنت…. أنت… أنت…

انتهت الفكرة ^_^

اقرأ أيضا: تعلم لعبة الحياة علي طريقتك الخاصة
.
عبدالرحمن مجدي

هل ساعدك هذا المقال ؟

مقالات ذات صلة

اترك تعليقك !