الرئيسية » أعرف » العمل & المال » شغل على النت مضمون ؟

شغل على النت مضمون ؟

بواسطة عبدالرحمن مجدي
761 المشاهدات
شغل على النت مضمون ؟

◄ شغلك اللى عالنت ده ليه مستقبل ؟

ما تشتغل بشهادتك أحسن أهو على الأقل هتبقى ضامن مرتب ثابت كل شهر ويا سلام لو عرفت تبقى موظف حكومى بعقد عشان بعد 20/30 سنة لما تعجز يبقى لك معاش 800 جنية تؤمن بيهم مستقبل عيالك

خلينى أقولك الأول إن اللى بيشتغلوا أون لاين نوعين
1 . نوع بيخلق فرص العمل Entrepreneur بطبعه
2 . نوع بيحاول يحقق نجاحات وقتية وسريعة Freelancer

النوعين دول عندهم حاجة إسمها ” حرية مالية ” بمعنى إن أكثر من 85% من الشباب اللى عنده 18 سنة فيما فوق مهما كان نوع شغله اللى بيعمله أون لاين فهو تقريباً بطل ياخد مصروف من أبوه وأمه وبطل يبرر هو بيصرف فلوسه فى ايه ويمكن دى أهم شوية من النقطة الأولى … حر مالك … حر ذاتك 🙂

بس السؤال اللى بيطرح نفسه إحنا بنشتغل أون لاين ليه أصلاً ؟
إيه اللى يخلي شاب فى بداية العشرينات يبقى مستقبله منحصر فى شاشة كومبيوتر !

الإنترنت هو المجتمع الوحيد اللى مش مرتبط بجنسية أو بأهلية ، بمعنى إنك مش هتلعن حظك السيئ وظروفك اللعينة اللى خليتك تتولد فى مصر ولا فى المغرب ولا فى تونس ، مش هتكره أهلك عشان متعلمتش فى مدارس International زى صاحبك اللى شغال فى Orascom Telecom ، هنا كل حاجة ليها سكه ، التعليم مفتوح مش مرتبط بوقت ولا مكان ولا إمكانيات …

كل هدف نفسك تحققه هو ممُكن لأن مفيش واسطة من Mark Zuckerburg هتخليك يبقى عندك 10 مليون Fan زى Asa7be Sarcasm Society ولا مبدع وعندك ربع مليون Follower وشركات الميديا بتتهافت عليك زى Amr Mustafa Sokkar هنا كل واحد يقدر يبقى اللى هو عايزه.

مفيش مصلحة حكومية تروح تخلص فيها ورق الويب سايت ، مفيش تأخير الدنيا سريعة الفكرة تقدر تبدئ فيها النهاردة مش بعد ما تاخد التصريح وتخلص السجل التجارى …

عشان كده هتلاقى كثير أوى بيشتغلوا عالنت ، لأن مجتمعنا عنده 7000 سنة واحنا شباب أكبرنا فى التلاتينات مينفعناش نظام سيبها وخدها بكره احنا عايزين كل حاجة النهاردة … دلوقتى لو ينفع!

الشغل أون لاين مش سبوبة ومش سهل ، أقل واحد فينا بقاله سنة أو اتنين بيتعلم ولسه مدخلش فلوس تعيشّه كويس ، بس ميزة المجال ده إنه مفيهوش ” Limited Capacity ” مفيش حاجة إسمها سورى معلش إحنا عندنا فى مكانك كثير مش هنقدر نشغلك .

أى حد يقدر يبدئ من الصفر يتعلم ويتعب على نفسه وهيلاقى مكان لنفسه يحقق فيه اللى بيحلم بيه طالما عنده إستعداد يتعلم ويستحمل ويكمل …

خلال الـ 30 ثانية اللى قريت فيهم البوست ده عايز أقولك إن إدفع أون لاين حوالى 1,201,173 مليون دولار فى مواقع الـ eCommerce بس ، غير الإشتراكات المدفوعة والتحويلات المباشرة اللى ممكن توصل لـ 5 مليون دولار فى الدقيقة الواحدة …

تقدر تشوف الـ Infographic ده : http://goo.gl/1yymMA

إحنا بنبقى مبسوطين لما نتأكد إنكم مش فاهمين إحنا بنعمل إيه ، لأن ده بيخلينا نحافظ على نقطة التميز دى ، والحقيقة طول ما اللى حواليك مش فاهمين شغلك 100% يبقى إنت ماشى صح ، لو كل الناس بتفهم وبتعرف تعمل اللى انت بتعمله يبقى إنت لا قيمة لك .

بعد كل ده لسه بتسأل الشغل عالنت ليه مستقبل ولا لا ؟
‫#‏عزت_بيمسى‬

احمد عزت

هل ساعدك هذا المقال ؟

مقالات ذات صلة

اترك تعليقك !