الرئيسية » قصص » قصص حقيقية مؤثرة » قصة خيالية قصيرة – نيكولاس فوجيسيك

قصة خيالية قصيرة – نيكولاس فوجيسيك

بواسطة عبدالرحمن مجدي
2378 المشاهدات
قصة خيالية قصيرة - نيكولاس فوجيسيك

– إسمه Nick Vujicic عنده 32 سنة إتولد من غير إيدين ولا رجلين .

تخيل طفل شايف كل صحابه بيجروا ويلعبوا ويحبوا ويتحبوا وهو مش شايف قدامه غير حيطة سد ، مفيش فى حياته أمل ولا حاجة يعيش عشانها ، مفيش مستقبل ، مفيش حياة يعيشها عشان كده Nick حاول ينتحر وهو عنده 10 سنين …

نيك كان بيتقاله إستسلم وتعايش مع وضعك متحاولش تحلم كثير عشان مفيش أمل ، مستحيل تشتغل فى المكان اللى نفسك فيه ، مستحيل تتجوز ، مستحيل تبقى أب ، هتبقى أب إزاى ولما إبنك يعيط مش هتعرف تشيله !

نيك النهاردة عنده رسالة إسمها ” Transforming walls into doors ” هو قدر يحول كل عقبة وكل نقص فى حياته لفرصة تساعده يبقى شخص أفضل .

إقتباساً من Nick ” لو إديتك مليون دولار هتبقى مبسوط ؟ ، لو إديتنى أنا مليون دولار أكيد هبقى مبسوط ، لكن لو أمى ماتت النهاردة تفتكر هبقى مبسوط ؟ ” لو فلوس الدنيا كلها عمرى ما هبقى مبسوط …

عشان كده السعادة تقدر تدور عليها وتلاقيها فى المكان اللى انت فيه ، فى وسط مشاكلك هتلاقى حاجة تخليك مبسوط ، مهما كانت حالتك دلوقتى أو ظروفك لو إنت عايز تكون سعيد هتقدر تلاقى سبب يخليك تبتسم على الأقل ويخليك عندك أمل …

نيك بيقول أنا مؤمن بالله ومؤمن بالمعجزات ، أنا شوفت ناس بيرجعلها نظرها وناس بعد ماكانت مبتسمعش قدرت تسمع تانى ، لكن فى حالتى أنا !

لكن أنا مؤمن إن ربنا لو مخلقش معجزة ليا ، هيخلينى معجزة فى حياة شخص تانى وده اللى حصلى فعلاً …

– نيك بيعرف نفسه وبيقول إنه :-

قابل أكثر من 27 رئيس جمهورية وإجتمع بأغنى رجال الأعمال فى العالم ، كتب كتابين إترجموا لـ 30 لغة وباع منهم أكثر من 800 ألف نسخة ، فى أكثر من مليار شخص فى العالم يعرفوه ويعرفوا قصته .

نيك بيقول الكلام ده مش عشان يتباهى بنفسه ، لكن عشان يقولنا إن لو هو قدر فى ظروفه وحالته دى يحلم ويحقق حلمه ، يبقى أكيد إحنا كمان نقدر نحقق اللى بنحلم بيه .

البنى أدم اللى عنده القدر ده من الإرادة رغم اللى هو فيه ، يقدر يغير مش بس نظرة الناس ليه ، يقدر يغير المجتمع اللى هو عايش فيه كله ، اللى عايز هيتعب ، اوعى تفتكر ان الناس خدته وخليته ببقى Motivational speaker ويكلم الناس عشان حالته بس!! ، لأنه فيه آلاف الناس زيه في ظروفه بس معندهمش عقل زي عقله ولا قلب زي قلبه ^_^ ، وكمان لما تسمع الراجل ده هتكتشف انه بيتكلم أحسن من أى حد بيحاول يحفذ الناس ، هو فعلاً عنده اللى يؤهله يوصل لمكانته دى ، مش بس عشان حالته أو وضعه الناس قدرته ، هو فعلاً معجزة عالأرض..

نيكولاس بيقول:
لدي إيمان قوي، ولا أعرف اليأس أو الملل، وقررت ألا تقف إعاقتي عائقاً أمامي ، وتعلمت أنني لست وحدي ذا إعاقة فجميع البشر لديهم إعاقات، فالخوف إعاقة، والخجل إعاقة، والتردد إعاقة، والكمال لله وحده .

ولكن الأمل والثقة والإرادة هي الأشياء الأساسية التي يجب أن يحصل عليها الشخص السوي في حياته ، وهذه الأشياء لا فرق فيها بين معاق وغير معاق ، وهي أشياء لا تشتري من السوق.
يقولون أني معاق و أقول ما من إعاقة سوى في القلب والتفكير وأسلوب الحياة..

نيكولاس اتجوز ببنوتة جميلة أوي وعنده ولد جميل زيه
نيكولاس قال: أنا ممكن مش هاقدر أمسك أيد حبيبتي بس أكيد هاقدر أمسك قلبها .. ^_^

قصة خيالية قصيرة - نيكولاس فوجيسيك

إتفرج على الفيديو ده لـ Nick ومتأكد إن حياتك هتتغير 180 درجة…

هل ساعدك هذا المقال ؟

مقالات ذات صلة

اترك تعليقك !