عارفين ايه الخيوط دي ؟
– ده خيط انك لازم تتجوزي لان اللي حوليكي اتجوزوا
– ده خيط حب ايه و كلام فارغ ايه خدي العريس اللي تختاره العيله
– ده خيط انك لازم تخلفي عشان مفيش وقت و تربطيه بالعيال فينصلح حاله
– ده خيط اقفلي بؤك و عيشي و خلاص حتي لو حياتك زفت عشان البيت ميتخربشي حتصرفي علي العيال ازاي و علي نفسك
– ده خيط استحملي جوزك اللي فيه كل العبر و اللي مبهدلهم و اعتبريه مش موجود اهو ضل راجل
– ده خيط استحملي الاهانه عشان مينفعشي تتطلقي معندناش طلاق في العيله
– ده خيط المطلقة ست مش كويسه و بتخطف اجوازات صحابها و بايظه و بتشرب سجائر
– ده خيط مينفعشي تشتغلي الشغلانه دي عشان مواعيدها متأخر و الناس حتتكلم عليكي
– ده خيط مينفعشي تتجوزي تاني افضلي لوحدك طول عمرك تربي عيالك بس و انتي تولعي
– ده خيط مينفعشي تبقي زوجة تانيه تبقي خطافه رجاله
– ده خيط مينفعشي تتجوزي واحد اصغر منك لكن اكبر شغال
– ده خيط اقفلي بؤك و انسي انك انسانه و عيشي ام بس و طباخة و خدامه .
– ده كل خيط مربوط في الاخر بأيد اخرين ده خيط القيود اللي بنتقبلها من الاخرين و بتحركنا .
اوعي تخلي خيوطك في ايد حد لأنك مش حتبقي حره ، خيوطك في ايدك انتي بس دي حياتك و جسمك و روحك مش ملك حد .
عبير صبري
Live Your Life
هل ساعدك هذا المقال ؟
