شعر شعبي تونسي مكتوب




يا تونس لا تبكي
حتى و إن دماؤك على الرمال تحكي
تحكي عن وجع
و إرهاب عن إيذائنا ما إرتجع
يريدون نشر الموت فينا
لكنا سنحيا و نبحر في الوجود
فإنتمائنا لتونس هو ربان السفينة
فبربك قومي يا بلادي
و كيدي الأوغاد الأعادي
و لا تنسي أن تمدي الأيادي
لإخواننا في الكويت
فالشيعة مسلمون يا وغد
شئت أم أبيت
لن تهزمونا يا تجار الموت
فنحن أحباب الحياه
انتم تعبدون الظلم و الظلمه
و نحن نعبد النور و نعمة بالله
.
– – – – – – – * * * * * * * * – – – – – – –
أنا إرهابي



 
أنا إرهابي
آي أنا إرهابي
كيف منغيرش و منخافش على ترابي
أنا إرهابي
كي منحسش كل تونسي يموت واحد من أحبابي
أنا إرهابي
كي معلابالي بوالو مستكوزي مسكر بابي
أنا إرهابي
كي موش واجعني دمعة أم على ولدها
كي ما تحرك فيا شي شويتها على كبدها
أنا إرهابي
ولداعش أنا أقوى شريك
مدام تونس في خطر و أنا غاطس في التفريك
نعرف كان انبر
و من فراغ انكنتر
ولي يقلي هيا تونس نتاديلك
ديراكت نبدا نكركر
أنا ارهابي
مدام نخمم في روحي الغير ميهمنيش
أنا لاباس يموت الي يموت
و يعيش الي يعيش
انا إرهابي
مدام أقوى مشاكلي قداش من جام عالفايسبوك
أما ما يعنلي شي ناخو ثار مبروك
أنا إرهابي
أنا تابع الأغلبية الصامتة
الأغلبية القامطة
مدام.مسكر فمي
مدام تونس آخر همي
قيد هيكا أمي
أما أنا و الوطنية بالقدر
النخوة في دمي صفر



مش قلتلكم ارهابي
نقطة من غير مترجع للسطر
.
– – – – – – – * * * * * * * * – – – – – – –
يا تونسي ،يا تونسية
يا ولاد و بنات بلادي
قاعدين تسمعو و لا لا
لميمة قاعدة تنادي
تونس تبكي في الدم
تونس تعيط وينكم يا كبادي
يا توانسه الضرب تحت لحزام
الضرب من تالي و من قدام
قاعدين يقتلو فينا
كمشة ولاد حرام
يا تونسي هيا فيق
يزيونا مالتفريق
بلادنا حرب
و نحنا نسيبو في الريق
يا توانسه هيا اليد في اليد
هيا لكلاب بدات تهد
كان مناقفوش لبلادنا
ما يقفلنا حتى حد
يلي تحب بلادك
يلي دمها يجري في افادك
يلي فيها مستقبل ولادك
وقيت باش ادافع على ترابك
هيا نفيقو…
.
– – – – – – – * * * * * * * * – – – – – – –
رانيا ماتت
وشجرة الفرنان في روحها شاحت
رانيا ماتت
و حلمتها الخضرة بلاحت
رانيا ماتت
و قبل ما تموت اش شافت
ما شافت من الدنيا كان صقيعها
شافت فقر سرق منها ربيعها
صحيح ساعتها حضرت
اما كان موش الفقر راهي عاشت
و وردتها في جبال خمير راهي فاحت
و كيما رانيا
فما صغار أخرين
الفقر ينهش فيهم
و كيما رانيا
فما صغار أخرين
يستناو في محبة تحييهم
هاكة علاش نقولو لكل تونسي
خوذ و هات
محبة خرجها منك كيما جات
خوذ المحبة ردها حلمة
خوذ الحلمة ردها كلمة
خوذ الكلمة ردها نور
كسر بيه حبس الظلمة
خوذ من روحي و هات من روحك
دفي قلبي وسط ضلوعك
خوذ و هات صغارنا تحيا
خوذ و هات تونس تحيا
.
– – – – – – – * * * * * * * * – – – – – – –
لقراءة المزيد استمتع هنا: قصائد الشاعر أنيس شوشان
.
الشاعر انيس شوشان
 
هل ساعدك هذا المقال ؟



تصنيفات : قصائد الشاعر انيس شوشان

كلمات دلائلية : ,

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..