رومنسيات زوجية – الحياة الزوجية السعيدة

رومنسيات زوجية – الحياة الزوجية السعيدة.. ♥ – ٥٠ نصحية زوجية

١- اطبع نسخه من عقد الجواز وابعته لها بالبريد مع جمله فاكره اليوم ده ؟

٢- هاتي ازازه دوا فاضيه وحطي عليها استيكر “ مسكن الحب “ وحطي فيها رسائل كتيرا جميله ولما تبقوا مختلفين او متخانقين اديلوا علبه الدوا ديه

٣- اعمل ١٠ بطاقات فيهم شِعر و غزل لزوجتك وحط البطاقات ديه في اماكن مختلفه في البيت .بين الاطباق. جوا التلاجه وهكذا

٤- فاجئيه بعشا رومانسي على اضواء الشموع

٥- لما تكونوا وسط ناس كتير او قرايب اهمس في ودنها “انا مبسوط انك زوجتي وشريكه حياتي”

٦- ابعتيله رساله على الموبايل اد ايه انتي مقدره اللي بيعمله عشان حبكم واسرتكم

٧- خليها تصحا الصبح تلاقي كلمه بحبِك على مرايه الحمام

٨- اتجوزوا تاني . متستغربش . اعرف حد عملها قبل كدا . والف مبروك مقدماً

٩- متنساش المساج . البنات بيحبوا المساج

١٠- نزل من النت نموذج شهاده تقدير وعدل عليها واطبعا وبروزها وعلقها على الحيطه

١١- ابدأي اكتبي كل يوم في اجنده عن الحاجات اللي استفدتيها من اليوم ده والحاجات الجمليه اللي حصلت في اليوم ده . وفي اخر السنه اديهاله هديه

١٢- فاجأها بعشا رومانسي

١٣- حسسيه بأنوثتك واحتياجك ليه

١٤- اكتب ورقه فيها ٢٠ سبب ليه بحبك . وحطها تحت المخده

١٥-كل شهر ابعتوا لبعض ايميل او رساله طويله علي الفيس بوك عبروا فيها عن علاقتكم ببعض

١٦- اتصل بيها موبايل وانتا في الشغل وقولها بحبك . واقفل السكه

١٧- اعملي البوم صور ليكم من اول ما عرفتوا بعض وكل صفحه فيها صوره وتحت كل صوره اكتبي جمله او تعليق او احساسك ناحيه الصوره ديه

١٨- هات ١٠ بالونات وحط في كل واحده ورقه فيها صفه جميله في زوجتك وانفخ البلونات واطلب من زوجتك تفرقع البالونات وتقرا اللي مكتوب فيها.

١٩- حطي على باب الشقه من جوا ورقه عليها دعاء الخروج وكمان دعاء الرزق وكمان جمله متنساش الحضن بتاعتي

٢٠- اسعى دايما انك تحققلها اكبر احلامها

٢١- دلعها

٢٢- دايما خلي اخر حاجه يسمعها منك قبل ما ينام . لا اله الا الله . بحبك

٢٣- يوم الاجازه اصحا بدري واعملها فطار خفيف على السرير ويا سلام لو فيه ورده

٢٤- اطلبي منه بحب دايماً يصلي بيكي السنه والنوافل

٢٥- لو جت سيره زوجتك وانتا بين عيلتك دايما قول عنها كلام جميل

٢٦- عاملو بعض زي الاطفال . ببراءة وحسن ظن

٢٧- هاتلها شوكلاته

٢٨- اتفرجوا على شريط فرحكم كل فتره

٢٩- بلاش العصبيه يا محترم

٣٠- بلاش نكد يا هانم

٣١ – جهزي نفسك قبل الخروج بساعه عشان جوزك بيتخنق من التأخير

٣٢- استخدم كلام زي حبيبتي . عيني . روحي . قلبي . علطول على لسانك وانتا بتكلمها

٣٣- اوعي تكذبي عليه

٣٤- اعرف الحاجات اللي بتحبها واعملها

٣٥- حسسيه انه راجل حياتك وفارس احلامك وبطلك

٣٦- امدح طبخها

٣٧-متلعبيش في موبايله وخليكي واثقه في اختيارك

٣٨- اوعا تمد ايديك عليها ولو بهزار . اكرر. ولو بهزار . اكرر تاني . ولو بهزار

٣٩- اوعي صوتك يعلى عليه مهما حصل

٤٠- عرفيه خططك واحلامك

٤١- اسأليه دايماً على طموحه

٤٢-اتكلمي عن اهله بأفضل ما يكون

٤٣- الكلام ليك برضه

٤٤- متجبيش سيره اللي كنتي مخطوبه ليهم قبل كدا

٤٥- بدون اسباب اديها حضن قوي وطويل

٤٦- حددي ساعه في اليوم لازم تعودوا مع بعض تتكلموا عن حياتكم ويومكم

٤٧- خليكي جريئه في حبك ليه والتعبير عنه

٤٨- اشتري ليها فستان

٤٩- دايماً لبسيه القميص ووصليه لباب البيت

٥٠- البنات بتحب الودر والرسائل الرومانسيه بشكل مستمر

هما مش قالو ٥٠ نصحيه !!!!؟

٥١- الرجاله بيحبوا التقدير والمدح

٥٢-خليكي نضيفه في كل حاجه

٥٣- خليك حنين طول مانتا بتكلمها

٥٤-فاجئيه بحفله صغيره بتجمع الاصدقاء والسبب انك تقوليله انا سعيده معاك وبحتفل بده

٥٥- شجعها تخرج مع صحباتها كل فتره

٥٦- اوعي تطلعي اسراركم برا

٥٧- قول لزوجتك انك هتحقق لها النهارده ٣ امنيات . ربنا يكون في عونك

٥٨- قصي ١٠ ورقات على شكل قلب واكتبي على كل ورقه صفات زوجك الكويسه وحطيها في اوضه في اماكن سهل انه يلاقيها واطلبي منه انه يدور عليهم ولو لقاهم كلهم ليه مفاجأه

٥٩- هات سبوره من اللي بيتكتب عليهم ويتمسح وعلقها على باب اوضه النوم من جوا وكل يوم اكتبلها رساله حب

٦٠- اقري معاه اذكار الصباح والمساء بصوت عالي

٦١- اهتم بمظهرك واغسل سنانك

٦٢- غيري دايما من استايلك جوا البيت

٦٣-لما جوزك يتكلم معاكي اسمعيه بحب وفخر واهتمام

٦٤- قولها شكرا . لو سمحتي . تسلم ايديك . ربنا يخليكي ليا

٦٥- اطبخي كويس

٦٦- طلعوا صدقه كل شهر بنيه ان ربنا يباركلكم في علاقتكم

٦٧- الغيره حلوه مفيش كلام . بس ليها حدود

٦٨ – الحياء اجمل ما فيكي . اوعي يروح منك

٦٩ – اتقي الله فيها

٧٠- فكروا بعض بالصلوات المفروضه

٧١- اعمل لايك وشير ومنشن اصحباك للبوست ده عشان انا وجيسي تعبنا علشان نكتبوا

المصدر: شريك الحياة – أدهم وجيسي

هل ساعدك هذا المقال ؟

تصنيفات : السعادة الزوجية,العلاقات

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..