طريق النجاح في الحياة

فاكر نفسك من 5 سنين , كان إيه طموحك ؟
فاكر قد إيه كانت أحلامك بسيطة وكانت حياتك سلسة ؟

دلوقتى حاسس إنك إتغيرت و حياتك إتغيرت وأحلامك كبرت صح ؟
تفتكر إن إنت نفس الشخص اللى من خمس سنين فاتوا ؟

عارف ليه إتغيرت ؟ لأن فى خلال الخمس سنين دول
كل خطوة خدتها كان وراها هدف حتى لو كان صغير

وعشان تقدر توصل لهدفك كان لازم الشخص البسيط ده
يتغير , يتأقلم , يتعامل مع الفشل والإحباط …

وإنت النهاردة لو إفتكرت إنت كنت عامل إزاى من 5 سنين
هتبقى فخور بنفسك وهتبقى فخور باللى قدرت توصله دلوقتى

اللى وصلتله النهاردة مش لازم يبقى حاجة مادية
مش شرط تبقى حققت نجاح فى شغلك أو فى دراستك

لكن اللى لازم تبقى فخور بيه هو إنك طورت نفسك
عقلك , تفكيرك , رؤيتك , خبرتك , أحلامك إتغيروا …
بقيت شخص مختلف تماماً …

النهاردة إنت بتبذل مجهود أكبر فى شغلك
النهاردة بتفكر فى مستقبلك بشكل مختلف
النهاردة بتسعى وبتتعب عشان تحقق حلمك
النهاردة إنت فشلت لكن إتعلمت وبتحاول تانى
النهاردة الناس بتبصلك وبتعاملك بشكل مختلف

وبعد 5 سنين من النهاردة . هتفتكر الأيام دى وهتقول أنا إتغيرت
لكن ياترى هتتغير للأفضل ؟ إنت الوحيد اللى تقدر تجاوب عالسؤال ده

إبدئ النهاردة إسعى ورا حلمك و خليك فخور بنفسك ♥
إحلم … إسعى … إتعب … إتعلم … كمل … إما هتوصل أو هتوصل .

تصنيفات : الذات,تحفيز

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..