طريق النجاح

متشغلش بالك بأى حد بيقولك كلمة تضايقك أو تحسسك بإحباط , ومتحاولش تديله أهمية أى كان مين هو لأن صدقنى البنى أدم اللى مركز معاك ده بنى أدم فاضى موراهوش حاجة غير انه يراقب الناس اللى حواليه ويشوف مين فيهم اللى بيحاول ينجح وأول ما يلاقي حد كده بيحس بالنقص وبيحاول دائماً إنه يوصلك إنك ناقصك حاجة , إنك غلط , إنك إتسرعت , إن الموضوع ده صعب عليك ..

محدش من الناس دى هيبقى موجود حواليك لما تنجح فى حاجة … هيختفوا !
لأنهم مش مستعدين يشوفوا واحد كان زيهم نجح فى حاجة وهما لسه فى مكانهم
إنت وعقلك صحاب كل واحد فيكم فاهم التانى كويس أوى وبيثق فيه
خليك واثق فى إختياراتك , خليك واثق فى الخطوات اللى بتاخدها
خليك واثق فى رؤيتك , خليك واثق فى قدرتك وفكرتك

والثقة دى لو هتعلمك حاجة هتعلمك الصبر ..
الصبر على تحقيق حلمك …
الأحلام مبتتحققش فى يوم وليلة
بس لو مؤمن بحلم وبتفكر فيه كل يوم

إبتدى خد خطوات صغيرة عشان تحققه
إبدئ بأسهل حاجة تقدر تعملها دلوقتى

غير طريقة تفكيرك , تخلص من أى عادة سيئة
إبتدى شوف وحدد ايه اللى ناقصك واشتغل عليه

متسمعش لحد غير عقلك … ده حلمك إنت
إنت اللى هتتعب وهتبذل مجهود عشان تحققه

لا فشلك هيفرق معاهم ولا نجاحك هيسعدهم
يبقى شيلهم من دماغك ومهما سمعت منهم

متبعدش عن هدفك … كمل للأخر …

أحمد عزت

هل ساعدك هذا المقال ؟

تصنيفات : الذات,تحفيز

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..