الرئيسية » نكت مضحكة جدا » نكت مصرية مضحكة جدا جدا جدا تموت من الضحك

نكت مصرية مضحكة جدا جدا جدا تموت من الضحك

بواسطة عبدالرحمن مجدي
1253 المشاهدات
بنات مصر غفر - بنات مصر مش غفر! فلسفة شاب
نتوجه بالشكر لحكومتنا الرشيدة
على حرية التنفس ومجانية الأكسجين هههههههههههههههه
– – – – – – – – – – –
– حضرتك من وزارة التربية والتعليم ؟
** أيوة يابني
 
– بص أنا بقالي 15 سنة معاكوا
لا اتربيت ولا اتعلمت
فياريت ترجعولي فلوسي
عشان اتجوز بيهم هههههههههههه
– – – – – – – – – – –
واحد حب يوزع ابنه يوم الخميس
اداله 200 جنيه
وقاله روح بات عند خالك انهارده
مفيش ساعة والولد رجع
 
ابوه قاله ايه اللي رجعك يا حيوان ؟؟
قاله خالي أداني 300 جنية
وقالي سلملي علي أبوك وقوله:
هو أنت فاكر أن عندك الخميس
وعندي أنا التلات يا ابن الجزمة ههههههههههههههههه
– – – – – – – – – – –
جرس الباب رن قبل الفجر فتح صاحب البيت
لقا واحد بيقوله اسف للازعاج بس الشارع فاضي
ومش لاقي حد يزقني ممكن لو سمحت تنزل تزقني ؟
 
صاحب البيت اتنرفز وقفل الباب في وش الراجل
فمراته قالتله انزل احنا ممكن يحصل معانا كده
وده عمل خير ..
 
نزل يدور على الراجل وناد عليه
فالراجل رد من الجنينه إلى جنب
وقاله أنا هنا على المرجيحه تعالى زقني بسرعة هههههههههههههه
– – – – – – – – – – –
واحد محمل في عربيته فراخ وقفته دورية شرطة
وسألته: محمل ايه يا كبير ؟
قلهم فراخ
بتأكلها ايه ؟
قلهم عيش
 
قالوا له: بتأكلهم عيش ؟ إحنا مش لاقيين ناكلوا يا حيوان
مخالفه 100 جنية
اتنرفز السواق
 
وقفته دورية تانية بعدها بشوية وسألته: الأخ محمل ايه ؟
قلهم فراخ
قالوا له: طب بتأكلها ايه ؟
قالهم بأكلها زباله
 
قالوله: زباله !! يعني إحنا بناكل الفراخ وانت بتأكلها زبالة
مخالفة 200 جنية
شد في شعرو الراجل
 
وقفته دورية تالتة بعدها ، محمل ايه يا معلم ؟
قلهم فراخ
قالولو بتأكلها ايه ؟
 
قالهم أنا بدي كل فرخة مصروفها
وهي بتجيب أكلها بمعرفتها ههههههههههههههههه
– – – – – – – – – – –
واحد رجع من الحج راح على الدكان
اللي بياخد منه بالدين
شافه صاحب المحل من بعيد فرح
قال شكله جاي يسدد الدين اللي عليه من سنة
 
قاله: يا هم ناجي فين دفتر الديون ؟
قاله: اهو الدفتر
 
قاله: فين الورقة اللي فيها اسمي
قاله: اهي الورقة
 
قاله: هي دي ؟
طيب اكتب قدام اسمي الحاج هههههههههههههههه
– – – – – – – – – – –
دخل موظف على مديره وقاله: أنا عايز زيادة ف المرتب
المدير: لأ مفيش زيادات
 
الموظف: أنت حر بس خلي بالك أن في 3 شركات
بتجري ورايا وبيتصلوا بيا كل يوم
المدير: طيب هزودلك 200 جنية
 
الموظف: بقولك 3 شركات
المدير: يا سيدي هخليهالك 500 جنية
 
الموظف: لأ خلاص مش هينفع
المدير: تعالى بس خلاص هزودك ألف جنية بس قولي مين الـ 3 شركات دول اللي بيجروا وراك ؟
 
الموظف: شركة الميه ، وشركة الكهربا وشركة التليفونات كلهم بيجروا وريا
عاوزني أدفع الفواتير ههههههههههههههه
– – – – – – – – – – –
الدنيا دي عامله زي الرقاصة
اللي رقصت لكل الناس
وجات عليا أنا وتابت
 
تقبل الله يا اختي ههههههههههه
– – – – – – – – – – –
بس يا سيدي قام قال لها بكل قواه العقلية:
عجباً لكم بتاخدوا 50 ألف جنيه مهر على ايه ؟
إذا كان سيندريلا بجلاله قدرها مهرها كان فرده جزمة
 
فأجابت بكل دهاء: أخد فرده جزمه واتجوز أمير
ولا أخد 50 ألف واتجوز فردة جزمة
 
هنا بقى الشيطان لم هدومه وقال مليش عيش في البد دي هههههههههه
– – – – – – – – – – –
مره واحد قبل ما يموت جمع ولاده التلاته
وحب يوصيهم يفضلوا ايد واحده
واعطى لكبيرهم عود خشب كسره بسهولة
اعطاه اثنين كسرهم بسهولة برضه
اعطاه خمسين عود كسرهم بسهولة
 
فنظر لهم وعينيه تغطيها الدموع وقال لهم:
طالما معاكم البغل ده مافيش خوف عليكم هههههههههههههه
– – – – – – – – – – –
مره شويه مجانين في مستشفى رسموا باب على الحيط
وقعدوا يخشوا فيه بكتفهم عشان يتفتح
 
فالدكتور دخل عليهم لقى واحد قاعد على جنب
قاله: والله شكلك إنت العاقل اللي فيهم
وسأله: أنت مبتعملش زيهم ليه ؟
 
قاله: دول حمير ميعرفوش إن المفتاح معاياا هههههههههههههههههههههه
– – – – – – – – – – –
واحد غبي جاله عقد عمل في الكويت
يوم السفر قاعد في المطار
فالمذيع الداخلي بيقول: على ركاب الرحلة 770
المتوجهه إلى الكويت التواجد بصالة الدخول
 
النداء الأخير لركاب الرحلة 700 المتوجهه
إلى الكويت التواجد بصالة الدخول
 
فموظف المطار بيقوله: رحلة الكويت هتطلع يا استاذ
فيرد عليه ويقوله: يا عم دول طالعين رحلة أنا طالع شغل هههههههههههههه
– – – – – – – – – – –
واحده سايقه عربية وداخله يمين
المفروض تدي إشارة عشان العربيات اللي جايه
 
دي دخلت على طول من غير اشارة فعربيه وراها
السواق بيقولها مش تدي إشارة يا مدام عشان نعرف إنك داخله يمين
 
قالتله أنت مش من حقك تعرف أنا رايحه فين هههههههههههههه
– – – – – – – – – – –
واحد بيعاكس واحده قالها
تاخدي 10 جنية وتوريني حته من إيديكي
قالتله: هات 100 جنية وأوريك باخد الحقنه فين ؟
 
أداها الـ 100 جنية
قالتله: في الصيدلية اللي على أول الشاارع
إن كيدكن عظيم ههههههههههه
– – – – – – – – – – –
واحد راح يشتري ضمير سأل بياع بكام الضمير ؟
قاله البياع: الضمير الألماني بـ 5 آلاف جنية
والضمير الياباني بـ 10 ألاف جنية
والضمير الأمريكي بـ 7 آلاف جنية
والضمير العربي بـ 100 آلف جنيه
 
الراجل سأل البياع: أووووف ليه الضمير العربي أغلى ضمير ؟
قاله البياع: لأنه عمره ما اشتغل
يعني لسه بكرتونته ^ _ ^
– – – – – – – – – – –
احد الوزراء زار مستشفى الأمراض العقلية
وسأل المدير: أزاي بتميزوا بين العاقل والمجنون ؟
قال المدير: بسيطة .. احنا بنملى البانيو بالماء
ونحط ادام المريض معلقه وفنجان وجردل
ونشوف هيختار ايه عشان يفرغ البانيو
 
قال الوزير: أكيد العاقل بيستخدم الجردل صح ؟
المدير قاله: لا طبعاً .. العاقل هيرفع سدادة البانيو
 
تحب غرفة خاصة ولا تقعدة مع الشباب بالعمومي ههههههههههههههه
– – – – – – – – – – –
– إحنا لازم نسيب بعض
* ومكانتي اللي في قلبك ؟
– حلقت بيها دقني هههههههههه
– – – – – – – – – – – – – – – – – – – – – –
اقرأ أيضاً: نكت مصرية مضحكة
.
 
هل ساعدك هذا المقال ؟

مقالات ذات صلة

اترك تعليقك !