نكت مصرية تموت من الضحك




1- نكت مصرية مضحكة

المصري الوحيد اللي لما يجرب
الانبوبة يلف عليها بعود كبريت
 
عشان لو انفجرت في وش اهله
تبقى عايزه تتغير ههههههههههههههههههه
– – – – – – – – – – – –
نفسي اتخانق مع مصر
وترميلي هدومي في المطار
وتقولي خلي المانيا تنفعك هههههههههههه
– – – – – – – – – – – –
محفظتي بقت عاملة زي البصلة
كل ما افتحها عيني تدمع ههههههههههه
– – – – – – – – – – – –
تذاكر = تنجح
تنجح = تفرح
تفرح = تلعب
تلعب = تتعب
تتعب = تموت
 



عشان كده متذاكرش !
صحتك بالدنيا يا صاحبي ههههههههههه
– – – – – – – – – – – –
اللي تعب و شقى و اتمرمط
 
غير اللي صحي وقال
صباح الخير يا حجه
قالتله المصروف تحت المخدة هههههههههههه
– – – – – – – – – – – –
من هو المصري ؟؟
هو كائن حي – محبوب دولياً
مظلوم محلياً – فقير مادياً
مدمر عاطفياً – تعبان يومياً
ومعهوش فلوس نهائياً
 
والعجيب أنه مازال حياً ههههههههههههههه
– – – – – – – – – – – –
ليلي علوي 60 سنة !
نجوى ابراهيم 72 سنة !
 
وأنا عمتي عندها 35 سنة
دايخين بيها من القصر العيني للأميري هههههههههههه
– – – – – – – – – – – –
واحد نازل مصر جديد بيتمشي في الشارع
لقى مطعم مكتوب عليه
الأكل عندنا والدفع على أحفادكم
قال والله دي فرصة 100%
 
فدخل المطعم وطلب ما لذ و طاب
وقعد ياكل لحد ما بطنه انتفخت
وبعدين قام عشان يخرج
 
قابله الجرسون وناوله الفاتوره



قاله: مش إنتو كاتبين الأكل
على حساب الأحفاد ؟
 
راد الجرسون: ما دي فاتورة جدك يا روح أمك
 
كم أنت عظيم أيها المصري هههههههههههههه
– – – – – – – – – – – –
عارفين صافيناز فشلت في روسيا ونجحت في مصر ليه ؟
وزويل نجح في أمريكا وفشل في مصر ليه ؟
 
عشان إحنا بلد بتقدر الصدور
وبتتجنب العقول
وبنعشق المؤخرة
وبنكره المقدمة ههههههههههههه
– – – – – – – – – – – –
صوت ماكينه الصرافة أول الشهر
المهندسين: تررررر
الدكاترة: تررررررررر
الوزراء: ترررررررررررررررررررررررر
 
الموظف العادي: ترر تف هههههههههههههههههههه
– – – – – – – – – – – –
الإبتسامة في مصر
 
تبتسم لأخوك يقولك: عايز إيه يا حيلتها ؟
تبتسم لأمك تقولك: عملت ايه يا منيل ؟
تبتسم لأبوك يقولك: مفيش فلوس يا بن ….
تبتسم لحد غريب يقولك: إنت تعرفني !؟
تبتسم لوحدة: يمسكوك قضية تحرش !
تبتسم لمسئول أو لمدير يقول: مصلحه!
تبتسم لنفسك يقولوا: أهبل !
 
الشعب المصري متنفعش معاه الابتسامة
إلا إذا كنت ميت
يقولوا: ما شاء الله .. مات وهو مبتسم هههههههههه
– – – – – – – – – – – –
البنت المحترمة زي فرشة الأسنان
متنفعش غير لواحد بس
 
أما البنت الشمال زي فرشة الجزمة
ماشية مع أي جزمة هههههههه
– – – – – – – – – – – –
المصري ديماً عمره
ما يطلع نفسه غلطان
 
حتى لو عمل حادثة عربية
ودخل فشجرة هينزل من العربية ويزعق
ويقول مين الغبي اللي زرع الشجرة دي هنا هههههههههههههه
– – – – – – – – – – – –
مره واحد مصري اشتغل سواق في باريس
ركبت معاه واحدة عريانه
طول الطريق عمال يبص عليها من المرايا
 
قالتله: أول مرة تشوف واحده عريانه
قالها: لأ بس هموت وأعرف
هتطلعي الأجرة منين ؟ هههههههههههههههه
– – – – – – – – – – – –
مره واحد منوفي ركب الاتوبيس
راح الاتوبيس وقع في الماية
قام المنوفي طلع من الاتوبيس
وضرب غطس طلع 20 واحد من تحت الماية
 
عدى راجل وقاله: انت عملت عمل بطولي
المنوفي قاله: بطولي ايه !!
 
ده أنا بدور على الكمسري
عشان اخد باقي العشرين جنية ههههههههههههه
– – – – – – – – – – – –
نحن اليابانيون لا نطلق رقم أربعة
على غرف المستشفيات لأن نطقها
بالياباني قريبه من كلمة الموت
فنراعي نفسيه المريض
 
طيب ما إحنا عندنا في مصر
لما نحب نتوصى بعيان
بندخله في غرفة ( إن عاش ) هههههههههههههه
– – – – – – – – – – – –
فيه أسد ونمر وثعلب وفار
تايهين في غابه
 
قال النمر: يا جماعة جعنا
رد الثعلب: ايه رأيكم نأكل اضع واحد فينا
 
رد الفأر وقال: اقسم بالله اللي هيلمس الأسد هطلع ميتين أمه هههههههههههههههههه
– – – – – – – – – – – –
اي مطرب عايز يتشهر يغني في مصر
أي ممثل عايز يتشهر يمثل في مصر
اي رقاصة عايزه تتشهر ترقص في مصر
 
أي شاب عايز يشتغل يسافر بره مصر هههههههههههه
– – – – – – – – – – – –
اينشتاين مسافر في طيارة وقعد جنب واحد مصري
أينشتاين قال للمصري:
هسألك سؤال لو معرفتش تجاوب عليه تديني 5 دولار
وأنت تسألني سؤال ولو أنا معرفتش أجاوبك هديك 500 دولار
المصري: انا موافق طبعاً
 
أينشتاين: ايه سر الجاذبية الأرضية ؟؟
المصري معرفش يجاوب فطلع 5 دولار وادهمله
 
المصري: ايه الشئ اللي بيطلع الجبل بـ 3 رجول وينزل برجل واحده ؟؟
أينشتاين قعد يفكر يفكر معرفش راح ادى المصري الـ 500 دولار
 
راح اينشتاين سأله: إيه هو بقى الشئ ده ؟؟
راح المصري مطلعله 5 دولار هههههههههههههههههههههه
– – – – – – – – – – – –
ارتفاع اسعار الكحول والدخان
وارتفاع رسوم الحج والعمره
 
يعني الواحد لا عارف ينحرف
ولا عارف يتوب هههههههههههه
– – – – – – – – – – – –
طفل منوفي دخل مقلة لب ومكسرات مع امه
استلطفه صاحب المقلة وطلب منه انه ياخد
مكسرات هدية له فرفض الطفل ان ياخد
 
فقام صاحب المقلة بوضع المكسرات داخل جيب الطفل
وعندما خرج الطفل سألته امه:
لماذا لم تأخذ المكسرات عندما طلب منك الرجل
 
قال لها الطفل:
أردت أن يعطيني هو
لأن ايده أكبر من ايدي ههههههههههههه
– – – – – – – – – – – –
سائح طلع على جبل في منطقة الأهرامات
وشاف واحد قاعد وماسك صنارة صيد
 
السائح قاله: أنت بتصطاد ايه هنا ؟
رد المصري: ملكش دعوة
 
قال السائح: أوك بس قولي أنت بتصطاد ايه؟
قال المصري: روح جبلي غدا وحاجة ساقعة
وأروسة سجاير وتعالي اقولك انا بصطاد ايه ؟
 
راح السائح عمل كل حاجة هو عاوزها ورجع قالوه:
يالا قولي أنت بقى بتصطاد ايه ؟؟
 
رد المصري: والله أنت رابع واحد اصطادوا انهارده هههههههههههههه
– – – – – – – – – – – –
.

2- نكت تموت من الضحك

شركة لصناعة الزجاج المضاد للرصاص تضع 3 مليون دولار
داخل صندوق زجاجي في الشارع
وتتحدى من يكسر هذا الزجاج بأن يأخذ المال !
 
عليا النعمة ده لو في مصر كان اتسرق الصندوق
بالفلوس بالرصيف بالأسفلت
اللي محطوط عليه الصندوق هههههههههههههههه
– – – – – – – – – – – –
جاء من خلفها واحتضنها بكل حب
وهي بتقلي البطاطس
وهمس في أذنها بصوت خافت حنون
 
خفي الزيت شوية
الأزازة بقت بـ 20 جنية هههههههههه
– – – – – – – – – – – –
سأل طفل مصري أينشتاين فقال:
الهواء الذي يخرج من فمك هل هو حار أم بارد ؟
قال أينشتاين .. بارد
 
قال له: إذن لماذا تنفخ في يديك في الشتاء لتدفئتها ؟
فأجاب أينشتاين: أها .. إذن الهواء حار
 
فقال له: إذاً لماذا تنفخ في كوب الشاي لتبريده !؟
فأنزل أينشتاين رأسه وقال:
ولاااااااااااا .. فكك مني هههههههههههههههه
– – – – – – – – – – – –
واحد منوفي حب يروح مشوار
ركب تاكسي وطلع من المنوفية للقاهرة
ومعاه كرتونة
 
فجأة طلع موبايله واتصل على صاحبه
وقاله انا جاي للقاهرة ومعايا كرتونة
فيها دهب بـ 30 مليون جنية واجرت تاكسي
عشان أوصل بالسلامة
 
لما وصل للقاهرة قال للسواق
ممكن تقف قدام الدكان ده عشان اشتري حاجة
نزل دخل الدكان وسواق التاكسي لف وهرب بالكرتونة
 
دخل المنوفي الدكان وقال لصاحب الدكان
معندكش كرتونة فاضية عشان ارجع بيها على المنوفية هههههههههههه
– – – – – – – – – – – –
الأمريكان أخترعوا أذكي جهاز كمبيوتر في العالم
وحبوا يجربوه فجابوا واحد تونسي وواحد ليبي وواحد مصري
وقالولهم اسألوا الكمبيوتر عن حاجة في المستقبل
 
التونسي: حال بلدي هايتصلح امتى ؟
الكمبيوتر: 8 سنين .. التونسي عيط
 
الليبي: حال بلدي هايتصلح امتى ؟
الكمبيوتر: 20 سنة … الليبي عيط
 
المصري: حال بلدي هايتصلح امتي ؟؟
الكمبيوتر عيط ههههههههههههههههههههه
– – – – – – – – – – – –
دكتور جلدية راح يتمشى في أحد الأسواق وقابل شخص وسلم عليه
وقاله فينك يا دكتور كل ماجي العيادة يقولولي أنك نقلت
 
الدكتور: مين اللي قالك اني نقلت !؟؟
قاله: المنوفي صاحب محل البيض اللي تحت العيادة
 
راح الدكتور عند المنوفي وقاله: ايه اللي بينك وبيني
كل ما يجي واحد للعيادة تقوله اني مش موجود واني نقلت
 
قاله المنوفي: وانت ليه تقولهم البيض بيجيب حساسية
يا نشتغل سوا يا نقفل سوا هههههههههههههههه
– – – – – – – – – – – –
عارفين ليه الأجانب بيبنوا بيوتهم على شكل مثلث ؟
عشان أخوه ميبنيش فوقه هههههههههه
– – – – – – – – – – – –
واحد مصري مصور خمسة جنيه وكاتب:
الخمسة جنيه دي بقالها معايا 5 سنين
ومحافظ عليها أول منزل مصر
هصرفها كلها
 
هفطر سندوتشين فلافل بجنيه
واحد عصير قصب بنص جنيه
وتاكسي جنيه
واقعد على قهوه حجر شيشه وواحد شاي بجنية ونص
 
كده هيفضل جنيه ونص اجيب بيه عشا خفيف
3 بيضات وبنص لانشون وبربع مخلل
 
أكيد اللي في ايده دي سجارة حشيش هههههههههههه
– – – – – – – – – – – –
روحت أجيب عروسة المولد
بقوله بكااام ؟؟
قالي بـ 195 جنية
 
قولتله خليها جنبك
والله لتعنس هههههههههههه
– – – – – – – – – – – –
في اليابان ،، اعتذار رسمي لانطلاق
قطار قبل موعده بـ 20 ثانية !
 
يا ليله سوده يا أولاد إعتذار رسمي عشان
انطلق قبل معاده بثواني
 
أومال إحنا نعمل إيه لما بينطلق بعد 3 ساعات
وممكن مينطلقش أصلاً هههههههههههه
– – – – – – – – – – – –
القطر بتاع المنوفيه عطل في الشرقية
طبعاً الشراقوه ناس جدعان غدوهم
وظبطوهم ومشيوا بعدها بفترة
 
القطر بتاع الشرقية عطل في المنوفية
المنايفه زقوا القطر للشرقية
عشان يتعشوا هناك بالمره ههههههههههههههههههههههه
– – – – – – – – – – – –
رئيس جهاز حماية المستهلك للمواطنين
تعليقاً على زيادة اسعار كروت الشحن :
رشدوا في الأستهلاك واللي معاه موبايلين
يشيل موبايل واحد بس
 
طب لما رئيس جهاز حماية المستهلك
اللي المفروض بيحمينا من زيادة الأسعار
ييجي في صف الشركات يبقي كده بيحمينا من ايه !؟؟
 
من شرور أنفسنا وسيئات أعمالناا ههههههههههههه
– – – – – – – – – – – –
فقير ساكن جنب قسم شرطة كل يوم يكتب رسالة لربنا
يقوله يارب ابعتلي 50 الف جنية
 
ويحط الرسالة في بالونه ويطيرها
الرسالة تقع على قسم الشرطة
 
الظباط اللي في القسم كل يوم يشوفوا الورقة
عرفوا انه اللي بيكتبها وصعب عليهم
فاتفقوا يجمعوله تبرعات
فجمعوا 25 الف جنية
 
وجابوه وقالوله ربنا بعتلك دول عشان انت غلبان
خدهم وو فرحان وراح البيت بسرعة كتب ورقه
وطيرها نزلت على القسم لقوا مكتوب عليها
 
شكراً يارب على الفلوس بس الداخلية ولاد الكلب
مش هيتغيروا خدوا نصها هههههههههههههههههههه
– – – – – – – – – – – –
عايز حد يحبك
مايتنالكش على غلطه
مايفهمكش غلط
مايخونكش
يحزن لحزنك ويفرح لفرحك
اشتري كلب ههههههههههههههههههه
– – – – – – – – – – – – – – – – – – – – – – – –
اقرأ أيضاً: نكت مصرية مضحكة
اقرأ أيضاً: نكت تموت من الضحك
.
هل ساعدك هذا المقال ؟



تصنيفات : نكت مضحكة جدا

كلمات دلائلية : ,,,

اترك تعليقا

بريدك الالكتروني لن يتم نشره

نرجو من الجميع الحفاظ علي مستوي متميز من الحديث الراقي دون سب أو تجريح أو نشر للكراهية..