الرئيسية الذاتتحفيز الذات كلمات أغنية لما القلب يدق – اغنية مؤسسة مجدي يعقوب

كلمات أغنية لما القلب يدق – اغنية مؤسسة مجدي يعقوب

بواسطة عبدالرحمن مجدي
825 المشاهدات
كتابات جميلة عن الحب
لما القلب يدق يدق يدق يدق
صوت دقاته بيعلى وبيقول لينا نعيش
ونقول آه للفرحة وللحزن نقول لأ
ونقول للخوف أبعد عنا ياريت ماتجيش
 
سحر الدنيا يبان لما نشوف الألوان
الأسود موجود علشان الباقى يبان
الصورة بتحلى بتفاصيلها حاجات لو بس هنعملها
نلقى الفرحة عايشة معانا ف كل مكان
 
لما القلب يدق يدق يدق يدق
صوت دقاته بيعلى وبيقول لينا نعيش
ممكن تبقى حياتنا جميلة ف غمضة عين
لما نآمن بيها ولما نكون عارفين
كنز حياتنا بيبقى الرحلة .. مره بتقسى ومره بتحلى
من غير ده وده ماينفعش نكون عايشين
 
لما القلب يدق يدق يدق يدق
صوت دقاته بيعلى وبيقول لينا نعيش
 
دور فيك على الحاجة اللى تملي تقويك
حارب أصل الإستسلام ميلقش عليك
خلي واثق أنك تقدر
خلي الحلم فى قلبك يكبر
أي ظروف وحواجز الخوف
هدها بأديك !
 
لما القلب يدق يدق يدق يدق
صوت دقاته بيعلى وبيقول لينا نعيش
لما الوقت بيمشى بيمشى وجعنا معاه
اجرى ورا الفرحة
واياك يوم تستنى
عيش ايامك كل دقيقة
والاحلام خليها حقيقة
هى حياتنا من غير فرحة هتبقى حياة
 
لما القلب يدق يدق يدق يدق
صوت دقاته بيعلى وبيقول لينا نعيش
ونقول اها للفرحة وللحزن نقول لا
ونقول للخوف ابعد عنا ياريت ماتجيش
.

.
هل ساعدك هذا المقال ؟

مقالات ذات صلة

اترك تعليقك !