الرئيسية » قصص » قصص نجاح وكفاح » قصص نجاح قصيرة – نجاح بعد فشل

قصص نجاح قصيرة – نجاح بعد فشل

بواسطة عبدالرحمن مجدي
2718 المشاهدات
قصص نجاح قصيرة - نجاح بعد فشل

الراجل ده من كندا و إسمه Markus Frind عنده 36 سنة وهو عنده 24 سنة عمل موقع Dating إسمه POF.COM إختصاراً لـ Plenty of Fish ، الموقع فيه 90 مليون عضو وبيستخدمه يومياً 3.5 مليون شخص المهم عشان مطولش عليك الراجل ده قرر يبيع الموقع لمجموعة إسمها Match بكام بقى يا مؤمن بـ 575 مليون دولار أه نص مليار دولار أه انت قريتها صح يلا ركز بقى فى مذاكرتك وشهادتك عشان تطلع دكتور قد الدنيا ^_^

ملحوظة عمل الموقع لوحده من البيت من غير تمويل ولا تيم لحد ما ابتدى يكبر وبقى عنده دلوقتى 75 موظف
اقرا: كيف تنشيء موقع وتربح من الانترنت

* * * * * * * *
هل تصدق انك ممكن تفكر فى فكره مشروع وفى خلال 5 سنين تكسب اكتر من 150.000.000.000 جنيه مصرى ؟
طلع ينفع !!!
ولسه ياما هنشوف
تفتكروا انا بكلم عن ايه ؟!

الواتس اب فعلا ، انشأ سنه 2009 و اتباع للفيس بوك 2014 ب 19 مليار دولار يعني حوالي 150 مليار مصري ده طبعا غير الي الموقع كسبه خلال ال 5 سنين ، انا كنت عايز اقول ان ده رقم واقعي و قصه حقيقيه يعني اي حد عنده امكانيه يحقق ده و يمكن اكتر كمان محدش عارف ايه اخر الحدود الممكنه …

* * * * * * * *
قصة نجاح مؤلفة هاري بوتر

اللى قدامكم دى سنة 1996 بعد ما جوزها طلقها
كانت عايشة هى وبنتها على المعاش الإجتماعى

خلال 7 سنين تحديداً فى سنة 2004 بقت ” مليارديرة ”
عملت ايه الست دى بقى عشان يبقى معاها مليارات ؟!

جابت ورق كثير …
جابت قلم جديد …
عملت شاى بالنعناع …
وكتبت Harry potter …

شوفتوا الموضوع سهل ازاى ؟ ^_^

” المليارديرة J. K. Rowling “
أهم حاجة أنك تلعب علي موهبتك… ♥

اقرأ: قصة نجاح مؤلفة هاري بوتر

* * * * *
قصص نجاح قصيرة - نجاح بعد فشل

التوأم ده عنده 26 سنة بس , بنوا بلاتفورم Hasoffers …
ودلوقتى بيكسبوا سنوياً 300$ مليون دولار من شركات الأفيلييت

– اللى على اليمين إسمه Lee مبرمج محترف …
– اللى على الشمال إسمه Lucas متخصص فى الـ Performance Marketing

* فى عالم موازى *
فى ناس بتكبر صفحات الفيس بوك
وناس قاعدة بتشتم فى بعض

ملحوظة صغيرة : هما فى أمريكا واحنا فى مصر ده مش مبرر للفشل .

* * * * * * * *
قصص نجاح قصيرة - نجاح بعد فشل

إزاى تقدر تحول عيوبك لمميزات … Case Study …
النهاردة هكلمكم عن شركة AVIS لتأجير السيارات …

شركة AVIS أنشأها واحد اسمه Warren Avis سنة 1946 , الشركة بدأت شغل بـ 3 عربيات بس لكن سنة 1953 بقت تانى أكبر شركة تأجير عربيات فى الولايات المتحدة الأمريكية كلها بعد شركة Hertz , شركة AVIS فعدت 9 سنين مش عارفة تتخطى شركة Hertz وتبقى رقم 1 , عشان كده فى سنة 1962 قرروا يحولوا العيب اللى عندهم لميزة وده تم عن طريق تعديل الـ Slogan بتاعهم لـ ” We’re Number Two, So We Try Harder ” .

الـ Slogan ده كان ليه تأثير كبير جداً على أكثر من مستوى , أولاً إدى إنطباع إن شركة AVIS هتقدم خدمة أفضل للعميل من اللى بتقدمها شركة Hertz , ثانياً إدى إنطباع للناس إن شركة Hertz اللى هى رقم 1 فى السوق مطمنة لمركزها وبناء عليه مش مهتمة تقدم خدمات أفضل للعميل , ثالثاً السلوجان ده خلى الناس تتعاطف أكثر مع شركة AVIS بما إنها بتحاول تبذل مجهود أكبر , رابعاً ويمكن دى أهم حاجة الشعار أو الـ Slogan ده سهل انه يتحفظ وده اللى حصل فعلاً …

الـ Slogan بتاع شركة AVIS هو واحد من أكثر الـ Slogans شهرة على مستوى العالم, ولحد النهاردة شركة AVIS مقدرتش تبقى رقم 1 لكن قربت جداً من Hertz , بس طبعاً لو AVIS تخطت Hertz ساعتها السلوجان ده هيتغير وبالتابعية كل حاجة …

– إيه الحاجات اللى تطلع بيها من الحكاية دى ؟

• فكر فى عيوبك مقارنة برقم 1 فى المجال بتاعك
• فكر إزاى عيوبك دى ممكن الناس تشوفها كمميزات
• عبر عن فكرتك فى أقل من 10 كلمات
• حاول تخلى السلوجان بتاعك بسيط ويتحفظ بسهولة

احمد عزت

هل ساعدك هذا المقال ؟

مقالات ذات صلة

2 تعليقات

samaka mosaad 26 أبريل، 2016 - 2:43 م

كويس جدا…لكن انا ملاحظة ان كلهم اجانب الفرص عندهم متوفرة فى حد فى مصرحقق حلمة!!

رد
Aboda Magdy 28 أبريل، 2016 - 3:32 ص

الفرص عندهم مش متاحه أوي زي ما متخيل .. وإلا مكنش جوجل يبدأ في جراج .. ولا بيل جيتش يعارض أهله ..
الفكرة أن الإبداع مرتبط بالحرية .. وأحنا الإنسان عايش عبد لإصنام كثيرة جداً علي شكل اهل وظروف والواقع ورجال دين وسياسة وفن و ..

وممكن تقرا القصتين دول عن مصريين:
http://knowlifenow.com/موقع-سيو-صح-قصة-نجاح/
– – – – –
http://knowlifenow.com/وسام-مسعود/

ودا بوست في الفيس بوك أنا كتبته بس مش قصة بداية أول خطوة في نجاح موقعي وفكرتي : https://goo.gl/DkZRKT

ربنا ينور بصيرتك ويسعد قلبك .. ♥
.

رد

اترك تعليقك !